POP 5

Lajmet më të lexuara të 5 minutave të fundit

Sociale

Kukës/ Banesat në fshatin Përbreg nën ujë prej një muaji, shkak rritja e nivelit të Fierzës! Banori: Ka ngelur të shkoj në shtëpi me not

Pesë familje në fshatin Përbreg të Kukësit janë përmbytur prej një muaji. Tokat e tyre janë nën ujë, ndërsa gjithë zona është mbuluar me mbeturina. Këto familje kanë shtëpitë pranë liqenit dhe rritja e nivelit të ujit ka shkaktuar probleme në përditshmërinë e tyre.

5 familje nga Përbregu i Kukësit prej 1 muaji janë të “pushtuar” nga uji i cili ka vërshuar deri në oborrin e shtëpisë. Rritja e nivelit të ujit në mbi 296 metra në liqenin e Fierzës ka shkaktuar shumë probleme. Rruga e fshatit është e përmbytur, rrjeti i ujësjellësit ndodhet nën ujë, mbeturinat pluskojnë në oborre…

“Na ka marrë tokat liqeni, e ka kaluar kuotën, vetëm pak bace ka. Përbregu ka qenë i mrekullueshëm, tani ka pislliqe kudo.

Uji s’ka ardhur kurrë, kam një shpi të vjetër aty afër, tani vetëm nëse shkojmë me not. Këtë vit është e pamundur të shkosh. Ka sjellë mbeturinë, zarzavatet s’po behën më”, thonë banorët.

Teksa dhe temperaturat e larta kanë prekur vendin, banorët të frikësuar nga infeksionet për shkak të ndotjes, janë detyruar të marrin vetë masat e dezinfektimit

“Rrugët të gjitha i kanë zënë, vjen lopa dhe kullot pasi ikën liqeni. Më para bëja fasule, tani është e zhytur nën ujë. Disa fëmijë i ka kapur temperature 40”, thotë një banor.

Kjo situatë e cila përsëritet vazhdimisht sa herë liqeni arrin mbi kuotën maksimale ka sjellë edhe shpopullimin e fshatit, duke mbetur tashmë rreth 300 banorë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Italia si moter: 25/06/2023 19:00

    Keshtu te ndodh kur nderton ne vendin e gabuar ,mesoni notin po te doni te jetoni ose largohuni ne shtepite ku keni qe e me perpara

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46