POP 5

Lajmet më të lexuara të 5 minutave të fundit

Sociale

Rruga e tre fshatrave në Kukës e rrënuar, 100 familje ankohen se janë lënë në harresë: Prej 30 vitesh askush s’ka vënë dorë, rrezikohen fëmijët kur ikin në shkollë

Rreth 100 familje në tre fshatra të Kukësit janë thuajse të izoluar për shkak të amortizimit të rrugës që i lidh me pjesën tjetër të vendit. Banorët e zonës thonë se prej 30 vitesh nuk është investuar, pavarësisht premtimeve elektorale në fushata, duke e bërë rrugën një rrezik të përditshëm për ta dhe nxënësit e shkollave, e sidomos në raste të urgjencave mjekësore që mund të jene edhe fatale.

Prej më shumë se 30 vjet rreth 100 familje të tre fshatrave Shtanë, Shikaj e Dukagjin në Njësinë Administrative Malzi të Kukësit përballen me vështirësitë e infrastrukturës rrugore. Për të mbërritur nga rruga nacionale Kukës - Shemri në tre fshatrat fshatrat, për 10 kilometra për banorët dhe drejtuesit e mjeteve është një sfidë e përditshme për shkak të gjendjes së rënduar 

“Asnjë herë nuk ka vënë kush dirë në të. Edhe fuoristradat copëtohen. Marrim fugona të shekullit para erës sonë”,- është shprehur një shofer.

Sidomos kur të ketë ngrica ça të them unë. Për ngrica aty ngelim”,-tha një tjetër drejtues fugoni.

Për Report Tv banorët thonë se në kohë fushatash gjithmonë është premtuar se rruga do të shtrohej, por deri më sot kjo nuk ka ndodhur.

Ata thonë se me problematike gjendja e rrugës bëhet në ditët me reshje shiu e deborë ku edhe rreziku për aksidente është më i lartë.

“Këta justifikohen duke na sjellë 5, 6 kamionë me çakull. Ju e shihni edhe vetë që nuk mund të mbulohet një gropë me një makinë çakull vetëm për ta tërhequr zvarrë. Sot është kohë e mirë, por po të jetë koha me acar edhe me akull, rruga është e pakalueshme”,- tha një banor i zonës.

Por sipas tyre shqetësim më i madh mbetet transporti i nxënësve në përditë në këtë rrugë, apo rastet e emergjencave shëndetësore, ku vonesa për shkak të infrastrukturës së keqe mund të jetë fatale.

“Të rejat të gjitha po ikin nga këtu vetëm prej rrugës, nxënësit e shkollës duhet t’i çosh nëpër qytete se s’ke ça bën këtu prej rrugës. Rruga për faqe të zezë, dimrit s’kalohet hiç”,- deklaroi një zonjë.

Projekti për rehabilitimin dhe shtrimin me asfalt të rrugës është bërë gati nga Bashkia e Kukësit rreth 6 vite më parë dhe është dorëzuar  për financim pranë qeverisë e Fondit Shqiptar të Zhvillimit.

K.M/B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Nga Suedia në Mbretërinë e Bashkuar, ‘zbërthehet’ rrjeti i spiunazhit kinez në Europë

Nga Suedia në Mbretërinë e Bashkuar, ‘zbërthehet’ rrjeti i spiunazhit kinez në Europë

28 Prill, 11:48