POP 5

Lajmet më të lexuara të 5 minutave të fundit

Kronikë

Kukës/ Riaktivizohet zjarri në bjeshkët e Shishtavecit, dhjetëra forca dhe banorë në operacion! Izolohet vatra, Policia nis hetimet nëse është i qëllimshëm (VIDEO)

Vatra në vendin e quajtur “Çuka” ishte fikur mbrëmjen e së shtunës, por u riaktivizua pasditen e djeshme te “Guri i Mëngjesit”, edhe pas një ere të fortë. ADZM do monitorojë zonën pas shuarjes, që të mos riaktivizohet sërish. Në mëngjes ra zjarr te fusha e mbetjeve urbane, në periferi të Kukësit, shkaktoi ndotje

Kukës- Riaktivizohet vatra e zjarrit në afërsi të bjeshkës së Shishtavecit, në vendin e quajtur “Guri Mëngjesit”.

Sipas pamjeve dhe informacioneve nga autoritetet vendore, zjarri ka rënë pasditen e sotme (1 Shtator), në kodrat pa dalë në zonën e bjeshkëve, në zonën e quajtur prej banorëve si “Çuka”.

Ka qenë ndërhyrja e zjarrfikësve që bëri shuarjen e vatrës së parë mbrëmjen e së shtunës, të ndihmuar edhe nga banorët, por vatra është aktivizuar përsëri ditën e sotme (e diel), pas një ere të fortë.

Në vendngjarje kanë shkuar forcat e policisë, shërbimi zjarrfikës, kryetari i fshatit Shishtavec, kryetari i njësisë administrative Shishtavec dhe drejtori i shkollës me disa banorë, të cilët po punojnë në aksion të përbashkët për shuarjen tërësisht të flakëve.

Në orët e para të mbrëmjes së djeshme, nga zyrtarë të ADZM-së Kukës u bë me dije se "zjarri në Shishtavec, i rënë në kullota, ishte izoluar plotësisht dhe po punohej për shuarjen e vatrave të mbetura". Gjithashtu situata "do monitorohet më tej nga punonjësit e Bashkisë dhe të njësisë administrative Shishtavec, për të shmangur një riaktivizim të dytë".

Policia gjithashtu nisi hetimet nëse zjarri është i qëllimshëm apo aksidental.

Orët e para të ditës së sotme u raportua për një zjarr edhe në vend-grumbullimin e mbetjeve urbane në Kukës, teksa tymi mbuloi zonën dhe dy zjarrfikëse u aktivizuan për shuarjen në Myc-Mamëz.

Smogu përfshinë fshatrat dhe një pjesë të qytetit që ishin në afërsi me pikën e grumbullimit.

Kjo pikë e mbetjeve është përfshirë disa herë nga zjarri brenda pak muajsh, duke shkaktuar një ndotje masive tek banorët.  

1725204549_zjarrkukes.png

Pamje nga zjarri, pasditen e sotme në Kukës

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça