POP 5

Lajmet më të lexuara të 5 minutave të fundit

Kronikë

Kukës, rrugët hyrëse pa kushte, rrezik për drejtuesit e mjeteve

Aksi rrugor që lidh qytetin e Kukësit me rrugën e kombit nëpërmjet Urës së Drinit të Zi, si në hyrje dhe në dalje, prej vitesh është kthyer në burim aksidentesh.

Aksi rrugor që lidh qytetin e Kukësit me rrugën e kombit nëpërmjet Urës së Drinit të Zi, si në hyrje dhe në dalje, prej vitesh është kthyer në burim aksidentesh. Rasti më i fundit ndodhi 3 ditë më parë ku tre të rinj nga Lezha i shpëtuan mrekullisht rënies në liqen.

Sipas drejtuesvë të automjeteve, kjo pjesë rruge ka fushëpamje të kufizuar dhe kthesa të forta, njëkohësisht edhe shtresa e asfaltit është jashtë çdo standarti.

Burim tjetër aksidentesh sipas tyre janë edhe lëvizjet e shpeshta të kafshëve, të cilat ecnin në mes të rrugës. Ndërkohë që mungojnë edhe barrierat anësore, sinjalistika, por edhe elementet të tjere të sigurisë.

Shumë e rrezikshme sepse ka pengesa në rrugë, ka bagëti, edhe e fshehtë, pra shumë e rrezikshme. Duhet të shohim shinat, duhet të shikojmë shumë gjëra, parametra. Shumë aksidente janë bërë dhe shteti duhet të jetë më evident, të bëjë masa mbrojtëse, barriera mbrojtëse si kudo në botë. Për aq sa kohë ne përgjigjemi kundrejt taksave që na mbajnë nga nafta, pagesat dhe taksat e makinave, aq më evident duhet të jetë edhe shteti.

Drejtuesit e automjeteve

Të rrezikuar janë dhe disa banorë, të cilët kanë ndërtuar banesat e tyre poshtë rrugës, pasi çdo ditë jetojnë me frikën e  rënies së automjeteve në shtëpitë e tyre.

Rrezikshmëri për drejtuesit e automjeteve, ku nuk kanë munguar aksidentet me pasoja  fatale në njerëz, paraqet edhe aksi tjetër rrugor që lidh Kukësin me Prizrenin e zonat e banuara përgjatë rrugës së kombit.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56