Kukës, thuajse e shuar tërësisht vatra e zjarrit që rrezikoi tunelin në Kalimash! Vijojnë të jenë agresive 2 vatrat e tjera, ajo në Majën e Rrunës dhe e Lakut të Thive

 

Vatra e zjarrit që rrezikonte tunelin e Kalimashit është izoluar dhe thuajse është shuar tërësisht.

Herë pas herë, në këtë vatër ka riaktivizime të vogla zjarresh por pa rrezik për të cilat zjarrfikësja e tunelit dhe punonjësit e tyre po e mbajnë nën kontroll.

Duhet theksuar se në sipërfaqen e prekur nga zjarri mbi tunel, nuk ka mbetur pothuajse asnjë metër katrorë  livadhe, shkurre e pyje pa u shkrumbuar, ndaj dhe kjo vatër nuk përbën më kërcënim. Ndërsa vijojnë të jenë aktive dhe agresive dy vatrat e tjera, ajo në Majën e Rrunës dhe e Lakut të Thive. Në të dy vatrat po punohet nga forcat e angazhuara në përbërje të të cilave janë punonjës të zjarrfikësve, ushtarake të Detashmentit të Mbrojtjes Rajonale, banorë të zonës por edhe ata të shërbimit pyjor të Bashkisë Kukës. Të dy vatrat shtrihen në terrene të vështira dhe vënia e tyre nën kontroll  është e vështirë. Nga Resheni do të ndihmojë me një bot me gjashtë tonë ujë.

Lajmi kryesor:

Zjarr në fshatin Erind në Gjirokastër! Në Kukës merr fund 'lufta' me flakët, natyra 'shpëton' veten! Shiu fik vatrat më të rrezikshme në Shqipëri

K.T./LR/Shqiptarja.com

TAG:
• Vlore
• Kukes
• Gjirokaster
• zjarret ne vend