Një 34 vjeçar nga Kosova humbi jetën një ditë më parë në bregdetin e Shëngjinit, ndërsa në zonën ku ndodhi ngjarje mungojnë vrojtuesit e plazhit.
Siguria për jetën e pushuesve është një shqetësim serioz në bregdetin e Shëngjinit. Ndonëse jemi në mesin e korrikut në pjesën më të madhe të plazhit mungojnë kullat e vrojtimit.
Nga vëzhgimi i Report Tv rezulton se edhe aty ku ndodhen kullat, shfaqja e rojeve bregdetare është sporadike.
![](https://shqiptarja.com/template/img/NO_ALFA_Kuadrate shqiptarja.png)
Pushuesit thonë se ndjehen të pasigurt dhe kërkojnë që ti jepet zgjidhje e shpejtë kësaj problematike.
Burime nga Bashkia Lezhë bënë me dije se vonesa ka ardhur për shkak se nuk ka përfunduar procesi i lidhjes së kontratave me operatorët turistike.
Sipas tyre, sapo të licencohen të gjithë operatorët që menaxhojnë plazhet private do të ushtrohen kontrolle për të parë nëse i kanë përmbushur detyrimet e përcaktuara, mes të cilave është edhe roja bregdetare.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)