Kultivoi 18 fruta të padëgjuara më parë, habit fermeri nga Dibra: Para orës 9-të, bima është në gjumë

Për fermerin Zija Keshi, e ardhmja mund të ndërtohet edhe në vendin tënd, mjafton të sjellësh risi. Ai u largua nga Italia ku punonte si bojaxhi, për t’u rikthyer në fshatin Majtarë të Dibrës, ku ka ndërtuar biznesin e tij të bimëve medicinale. Aktualisht në tokën e tij ka mbjellë 18 varietete dhe gjithnjë është në testim të produkteve të reja nga e gjithë bota. Aronia dhe goji berry janë dy frutat për të cilat ai është certifikuar në Shqipëri.

“Sipërfaqe toke të kultivuar kemi 3 hektar me kultura të ndryshme. Kam 18 varietete nga e gjithë bota që I kam afruar. Kur dëgjova për aroninë u çudita”, tregon Zijai.

“Edhe mami im thotë:-Aty ku ta ngulësh pemën ti, ka mbaruar ai muhabet”, thotë mes të tjerash.

LEXO EDHE:
VIDEO/ Grushta mes gjimnazistëve në Bulqizë, kampionati i volejbollit përfundon me rrahje masive! Policia i shoqëron në polici

Për emisionin “Një nga ne”, ky fermer i pazakontë na tregon si është një ditë e tij e zakonshme, por nga ana tjetër ndan disa detaje që nuk ’i keni dëgjuar më parë.

Punën në tokën e tij e nis në orën 9-të të mëngjesit për një arsye të veçantë.

“Para orës 9-të nuk kam pse ta shqetësoj bimën, ajo është në gjumë”, thotë fermeri nga Dibra.

Prej dy vitesh merret dhe me rritjen e bletëve. Po cila është e papritura që u përball teksa tregoi jetën për kamerën e Report Tv?

A përshtaten varietetet e huaja edhe në tokën shqiptare?

Na njeh me llojet e bimëve që ka kultivuar, benefitet e tyre, krijimin e fidanëve, kujdesin që ato kërkojnë.  Këshilla dhe informacione për secilën bimë që do i nevojiten çdo fermeri. Cila është bima që shërben për jetëgjatësinë?

Këto dhe shumë të tjera, ndiqini në emisionin e plotë

B.K./r.k./Shqiptarja.com

TAG:
• zija keshi
• Diber