Kultivoi kanabis në Malësi të Madhe, 49-vjeçari kapet pas dy javësh në kërkim! Me masë sigurie edhe nga SPAK

SHKODËR- Një 49-vjeçar i shpallur në kërkim dy javë më parë në Shkodër, pasi policia zbuloi se kishte kultivuar kanabis.

Ai kishte kultivuar në fshatin Gruemirë në Malësi të Madhe, 321 fidanë dhe 52 bimë narkotike. Po ashtu në ambientet e një objekti në pronësi të tij u gjetën edhe disa bimë narkotike në proces tharjeje dhe një sasi municioni luftarak.

“Në zbatim të planit të masave të hartuar në kuadër të megaoperacionit kombëtar “Territor i pastër”, për goditjen e veprimtarisë kriminale të kultivimit të bimëve narkotike, identifikimin dhe kapjen e autorëve, specialistët e Seksionit për Hetimin e Krimeve të Komisariatit të Policisë Malësi e Madhe, në bashkëpunim me shërbimet e Forcës së Posaçme “Shqiponja”, bazuar në informacionet e siguruara nga inteligjenca policore, lokalizuan, kapën dhe vunë në pranga shtetasin P. C., 49 vjeç.

LEXO EDHE:
Zgjedhjet në Universitete/ Tonin Gjuraj fiton me diferencë të ngushtë në Shkodër

Ky shtetas ishte shpallur në kërkim në kuadër të megaoperacionit “Territor i pastër”, pasi dyshohet se ka kultivuar në fshatin Gruemirë, 321 fidanë dhe 52 bimë narkotike, të cilat u gjetën dhe u asgjësuan nga Policia, 2 javë më parë. Në ambientet e objekti në pronësi të shtetasit P. C., u gjetën edhe disa bimë narkotike në proces tharjeje dhe një sasi municioni luftarak, të cilat u sekuestruan në cilësinë e provës materiale”, njofton policia.    

Gjithashtu, 49-vjeçarin GJKKO ka caktuar masën e sigurisë, për veprën penale “Prodhimi dhe shitja e narkotikëve”, kryer në bashkëpunim.   

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

SI.E./r.k./Shqiptarja.com

TAG:
• kultivim kanabisi
• Shkoder