Kumanovë, sulmohen dy nxënëse

Kanë vazhduar sulmet e maqedonasve ndaj nxënësve shqiptarë. Dy vajza të lënduara të shkollës së mesme të Kumanovës është bilanci nga incidenti i sontëm i cili ka ndodhur në fshatin Lubodrag të Kumanovës i banuar kryesisht me maqedonas dhe serb thonë mediat shqiptare në Maqedoni. 

Sipas dëshmitarëve, shoferit të autobusit dhe disa nxënësve, ngjarja kishte ndodhur pas orës 19;30 minuta, kur nxënësit po ktheheshin nëpë shtëpitë e tyre. Sipas drejtuesit të autobusit, tre persona të panjohur kishin gjuajtur me gurë ndaj autobusit, shkruan portali shqipmedia.

Vajzat e lënduara janë dërguar për kurim në qendrën emergjente në Kumanovë. Drejtori i Spitalit të Kumanovës Arif Latifi tha se nxënëset janë jashta rrezikut pë jetë. Policia, Ministria e Arsimit dhe përfaqësues shqiptarë janë duke mbajtur takim për të parandaluar incidentet e rradhës. 

/rg.shqiptarja.com/