POP 5

Lajmet më të lexuara të 5 minutave të fundit

Sport

Kumbulla lë pas Van Dijk për muajin janar, pas shqiptarit vihet pas edhe Lazio e Igli Tares

Performancat e Marash Kumbullës në janar kanë qenë aq të jashtëzakonshme, sa që CIES, observatori që mat të dhënat e lojtarëve, e vlerëson edhe më lart se mbrojtësi i Liverpool Van Dijk.

Kumbulla lë pas Van Dijk për muajin janar, pas shqiptarit vihet pas edhe Lazio e Igli Tares

Që pasi la pas dëmtimin Marash Kumbulla është rikthyer të ketë edhe një herë vëmendjen e gjithë opinionit sportiv në Itali. Mbrojtësi 20-vjeçar me origjinë nga Shkodra që luan për Verona-n, për muajin janar ka lënë pas për performancë edhe emra të njohur të futbollit botëror si Virgil Van Dijk, i cili në 2019 ishte edhe kandidat potencial për ‘Topin e Artë’.

Në këtë përfundim ka dalë CIES, observatori Europian i futbollit që mat të dhënat e futbollistëve. Fitorja kundër Spal-it dhe Genoa-s fillimisht, më pas barazimi ndaj Bolonjas dhe së fundmi tre pikët kundër Leçes, kanë bërë që Kumbulla të renditet në vendin e pestë sipas CIES në muajin janar me 90.3 pikë, ndërkohë që vendi i parë mbahet nga Jerome Boateng me 94 pikë.

Jo vetëm për shkak të ecurisë në ndeshjet e fundit, por edhe për 16 paraqitjetet në total në ‘Seria A’, kanë bërë që në ndeshjen e fundit kundër Lazio-s në ‘Olimpico’ për Kumbullën të ketë vëzhgues nga Manchester United dhe Chelsea.

Gjithsesi diçka më konkrete sipas mediave në Itali ka nga Lazio, e cila pas Napolit dhe Interit, është skuadra tjetër italiane që kërkon qendërmbrojtësin. Drtejtori sportiv Igli Tare ka përfituar nga ndeshja në Romë për të folur me agjentin e futbollistit. Për shkak se prindërit e Kumbullës janë shqiptar Lazio mund të jetë e favorizuar, shkruajnë mediat në Itali. Deri më tani Napoli ka qenë kandidati më serioz, por dëshira e Kumbullës është Interi i Conte-s, që aplikon një skemë mbrojtëse me 3 futbollistë, ashtu siç luan edhe Verona e këtij sezoni.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

La Liga/ Mbappe shkëlqen me tre gola, Real Madrid fiton kundër Valladolid dhe nis 'arratisjen'

La Liga/ Mbappe shkëlqen me tre gola, Real Madrid fiton kundër Valladolid dhe nis 'arratisjen'

25 Janar, 22:57