Kupa/ Dinamo eliminon Tiranën pas 210 minutash dhe 20 penalltive, Halili: Ata që folën për trukim janë minj kanalesh

210 minuta lojë në total dhe 20 penallti janë dashur për të përcaktuar fituesin e përballjes Tirana-Dinamo në Kupën e Shqipërisë. Kjo pasi sfida e kthimit e 1/8 ka përfunduar 2-0 në favor të Tiranës ç’ka e çoi ndeshjen në shtesë dhe më pas drejt penalltive, atje ku dinamovitet u treguan më të saktë.

“Skuadra tregon dhe ka vazhdimësinë e javëve të kaluara. Është shumë e rëndësishme në futboll që most ë bie entuziazmi, të ketë dëshirë, të jetë e qartë taktikisht dhe të dominojë ndeshjen. Përsa i përket eliminimit ashtu si shkojë ndeshja është edhe çështje fati te penalltitë,”-u shpreh Orges Shehi, trajner i Tiranës.

“Një ndeshje që e kishim menduar ndryshe. E dinim që do ishte shumë e vështirë pasi po luanim me ekipin më të mirë të momentit. I kënaqur shumë nga kualifikimi, por i pa kënaqur me lojën,”-tha Bledi Shkëmbi, trajner i Dinamos.

Më keq eliminimin e përjetoi presidenti i Tiranës Refik Halili, i cili iu përgjigj kështu atyre që aluduan për trukim rezultati pas fitores 2-0 të Dinamos në ndeshjen e parë.

“Një pjesë e mirë në përgjithësi flisnin se ndeshja ishte e shitme dhe kjo bëri që mos të kishte shumë tifoz. Këto për mua janë minj kanalesh. I pari nga këto është Gzim Sinemati, i cili e ndyn futbollin me ato që thotë,”-deklaroi Refik Halili, presidenti i Tiranës.

Pas derbit të fituar me Tiranën në 1/8 Dinamon e pret një tjetër derbi në çerekfinale, por këtë herë me Partizanin.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kush i fiton zgjedhjet e pjesshme vendore të 6 marsit?



×

Lajmi i fundit

John

Takimi i ‘sikletshëm’ virtual i Putinit dhe biznesmenëve italianë, mes tensioneve të perëndimit