Këtë të mërkurë janë zhvilluar 13 ndeshjet e radhës për turin e parë të Kupës së Shqipërisë, me disa klube të njohura që kanë marrë biletën për në fazën e radhës.

Në stadiumin e Orikumit, Flamurtari mori fitoren e parë sezonale, duke mposhtur 5-0 Naftëtarin. Golat për vendasit u shënuan nga Ememe, Murataj, Oshafi, Ramani dhe Bangaly.

Me pesë gola fitoi edhe Besa, që mposhti Shkumbinin. Iliria kaloi Luzin, ndërsa Vora e Superligës përmbysi 6-2 Maliqin. Një biletë për më tej e morën edhe klube si Pogradeci, Lushnja, Apolonia apo Luftëtari.

Në Korçë, Skënderbeu dhe Basania barazuan 2-2 në kohën e rregullt, me ndeshjen që shkoi në shtesë dhe vendasit fituan 5-2. Edhe Kukësi me Tërbunin e mbyllën kohën e rregullt në barazim, 1-1, duke iu drejtuar shtesave. Kukësi në fund fitoi 3-1.

Kupa e Shqipërisë, turi i parë:

E martë, 14 tetor 2025 - 13:30

Korabi 4-1 Veleçiku

Laçi 3-1 Këlcyra

E mërkurë, 15 tetor 2025 - 13:30

AF Luftëtari 2-0 Oriku

Apolonia 3-0 Besëlidhja

Besa 5-0 Shkumbini

Burreli 3-1 Albanët

Erzeni 0-2 Sopoti

Flamurtari 5-0 Naftëtari

Iliria 5-1 Luzi

Kastrioti 3-2 Devolli

Valbona - Tomori (Tomori kalon më tej, Valbona është tërhequr nga gara)

Kukësi 3-1 Tërbuni - (pas shtesës, koha e rregullt u mbyll 1-1)

Lushnja 2-1 Butrinti

Pogradeci 4-0 Delvina

Skënderbeu 5-2 Basania (pas shtesës, koha e rregullt u mbyll 2-2)

Vora 6-2 Maliqi