Kupa sportive 65 vjet UT/ Veliaj: Viti si Qyteti Evropian i Sportit, mundësi për promovimin e Universitetit të Tiranës 

Kupa sportive 65 vjet UT/ Veliaj: Viti si Qyteti Evropian i Sportit, mundësi për promovimin e Universitetit të Tiranës 

Në çelje të aktivitetit sportiv në 'Asllan Rusi'

Një aktivitet sportiv me rastin e 65-Vjetorit të Universitetit të Tiranës është organizuar nga Bashkia e Tiranës. Bëhet fjalë për një garë sportive, e cila ka startuar sot, mes ekipeve të volejbollit, por dhe basketbollit të 6 fakulteteve të Universitetit të Tiranës

Në nisje të Kupa Sportive 65 Vjet UT ka qenë i pranishëm në në Pallatin e Sportit “Asllan Rusi” Tiranë edhe kryetari i Bashkisë së Tiranës, Erion Veliaj dhe ministrja e Arsimit, Evis Kushi. K

Në përshëndetjen e rastit Veliaj u ka uruar studentëve, por dhe pedagogëve e dekanëve përvjetorin e 65-të të Universitetit, tha se ende sot pas 30 vitesh që lulëzojnë edhe universitetet private, Universiteti i Tiranës vijon të mbajë stafetën si më i miri në Shqipëri.

“Thoshte Michael Jordan: “një lojtar i mirë mund të fitojë një ndeshje, por duhet një skuadër e mirë për të fituar të gjithë kampionatin”. Kjo vlen jo vetëm për sportin. E njëjta gjë ndodh edhe për universitetin. Është një skuadër. Profesor Tani dhe gjithë universiteti janë skuadra e UT. Sado që ka 30 vite që lejohen universitetet private, në të gjithë vendet të pyesin: - Te privati, apo në shtet?” - duke i dhënë rëndësi universitetit publik. Dhe ti thua, “në shtet patjetër!” Pastaj është pyetja e dytë: - “Te Universiteti i Tiranës, apo ndonjë tjetër?” Përgjigja e duhur është, Universiteti i Tiranës! Edhe qyteti ynë është i ri, vetëm 102 vite kryeqytet. Edhe universiteti është i ri, 65 vjet nuk janë asgjë. Na duhet të planifikojmë sot si do jetë Tirana nesër. Ashtu siç po krijojmë një skuadër në sport, duhet të krijojmë një skuadër për të promovuar sa më shumë universitetin, sa më shumë dijen,” u shpreh Veliaj.

Për këtë të fundit kreu i Bashkisë tha se mundësia më e mirë është titulli i Tiranës që vitin e ardhshëm do jetë Qyteti Evropian i Sportit.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti