Kur Greta Koçi bashkohet me
Mozzik, lind "S'jena ni moti"

Greta Koçi ka hequr dorë nga politika duke iu përkushtuar plotësisht muzikës. Këngëtarja ka publikuar klipe të njëpasnjëshme në një kohë rekord, duke surprizuar jo pak fansat që prej kohësh prisnin angazhimin e saj në muzikë, e që sigurisht e kanë shpërblyer duke klikuar çdo klip të sajin në YouTube.

Prej pak ditësh këngëtarja ka lançuar këngën e saj më të re, të shoqëruar me klip “S’jena ni moti”. Greta ka zgjedhur të vazhdojë bashkëpunimin me artistët kosovarë, duke ia besuar reperit Mozzik tekstin e këngës.

Nëse jeni kuriozë të shihni dhe Gretën të veshur si asnjëherë më parë, me një grup balerinash në sfond, atëherë duhet patjetër të dëgjoni këngën e saj më të re.