Kur t’i trokasë drejtësia në derë, do thotë: Ja, s’jam mirë nga trutë!

Kur t’i trokasë drejtësia në derë, do thotë: Ja, s’jam mirë nga trutë!

Ilir Meta

Ilir Meta e ka nisur rilindjen e tij politike me akte të habitshme. Edhe pse beson se ngjallin debat në publik, në fakt të gjitha kanë përfunduar në nivelin e memeve. Herë duke ia dubluar, e herë duke ia retushuar, pamjet e Metës nga qeni Darko në Bosnje dhe larjet në det s’kanë dhënë ndonjë mesazh politik, gjë për të cilën merr rrogën këtu e sa vite. Teksa si ish president tundte Darkon, kridhej në det dhe ngjiste malet, tani në opozitë pa asnjëlloj mandati i ka thelluar çuditë. Megjithatë obsesionin duket se e ka gjetur me një hekur ku është ngjitur të paktën dy herë, pa llogaritur herët që ka bërë prova.

Politikani i nivelit të lartë herë del mes pemëve duke cituar thënie bajate popullore e duke ngatërruar Vlorën me atë gjënë (siç tha, prill-maj Vlorës mos iu ndaj). E herë me një gomar a gjëkafshë që i del përpara. Në thelb, Ilir Meta po jep panoramën e një politikani që mbi të gjitha po dokumenton veprime të papërgjegjshme, pa mesazhe politike dhe të padobishme për seriozitetin shoqëror.

Të vetmin rast që pati për të dhënë ndonjë mesazh politik ishte protesta para Bashkisë së Tiranës. Edhe aty, ai u hodh degë më degë si në videot që shpërndan dita-ditës duke akuzuar Gardën e Republikës. Me pak fjalë, Ilir Meta shfrytëzoi një protestë të tërë antikorrupsioni për të deklaruar se i kishte përzënë bodyguardët që ia jep ligji si ish-president pasi dyshonte se ata ishin spiunë të Edi Ramës. Shqiptarët mesatarë të gjendur në protestë e duartrokitën për këtë vendim të jashtëzakonshëm dhe ai çau ferrën për të filmuar klipin e radhës tek paralelja me pamje nga Tirana.

Ilir Meta një ditë më parë ka marrë një mesazh nga e shoqja. Monika Kryemadhi teksa priste mamanë të dilte pas 6 orësh nga SPAK, iu drejtua Olta Xhaçkës me një dëshpërim: “Ndonjëherë ne gratë Olta, bëhem mish për top, për burrat”.

Ndodh rrallëherë që Kryemadhi të flasë në Kuvend, por dje kishte dy halle: Mamasë pas 6 orësh në SPAK i kishin marrë edhe celularin. Ndërsa i shoqi që në mëngjes qëndronte varur si majmuni në palmë edhe pse të gjitha janë kusuret e pushtetit që ai ka konsumuar.

Thelbi i kësaj tabloje është i qartë deri diku. Ajo që s’është zbërthyer zyrtarisht janë arsyet pse Ilir Meta po i përshpejton veprimet e papërgjegjshme. Duket sikur mezi pret të gdhijë dita që të postojë çmendurinë e radhës. Imitim i stilit “Rama 98-2005”? Është tepër vonë që të tentojë pushtetin me ekstravagancë të shtirur. Por me siguri të gjitha këto, nga 11 haletë e maces Sasha, te qeni Darko, gomari e paralelja i do për prova filmike. Që kur t’i trokasin në derë ata që po tmerrojnë fillimisht familjen e së shoqes, t’u thotë: Ja kam prova, s’kam qenë mirë nga trutë!/ Java

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Çepani: 12/04/2024 17:19

    Or taji ki Like florini jo vetëm ka rrjedh por dhe ka pjerdh,varini leshtë tani,se ka me i ardh prapa men'ja këtij kaqolit por kur të vjen tek 7 penxheret e t'ja bëjnë sumën tabelë qitje.

    Përgjigju
  • Sondazhi i ditës:

    A po jep rezultate lufta e SPAK ndaj grupeve kriminale?



×

Lajmi i fundit

Aksident i rëndë në aksin Kuç-Qeparo, trafik ndarësja futet mes për mes makinës! Drejtuesja në gjendje të rëndë

Aksident i rëndë në aksin Kuç-Qeparo, trafik ndarësja futet mes për mes makinës! Drejtuesja në gjendje të rëndë