POP 5

Lajmet më të lexuara të 5 minutave të fundit

Shëndeti

Kura me mjaltë dhe qepë, si ta përgatisni në kushte shtëpie

Kombinimi i qepës me mjaltin mund të tingëllojë i pazakontë, por në të vërtetë është një kurë e mirë dhe krejt natyrale kundër infeksioneve bakteriale.
Kura me mjaltë dhe qepë, si ta përgatisni në kushte shtëpie

Qepë dhe mjaltë

Kombinimi i qepës me mjaltin mund të tingëllojë i pazakontë, por në të vërtetë është një kurë e mirë dhe krejt natyrale kundër infeksioneve bakteriale. Kjo kurë e ka pikënisjen në traditat më të lashta të mjekësisë popullore dhe vetëm kohët e fundit është bërë subjekt i disa studimeve shkencore.

Ushqimi mund të jetë një ilaç i fortë dhe shërues për njeriun. Sipas të dhënave të AgroWeb.org, si qepa ashtu edhe mjalti janë dy ushqime shumë shëruese për njeriun.

Ndikimi I Kurës Me Mjaltë Dhe Qepë Në Shëndet

Një studim i vitit 2012 analizoi ndikimin e qepës dhe mjaltit kundër 8 llojeve mikrobesh. Sipas studimit, qepa dhe mjalti janë të pasur me përbërës të jashtëzakonshëm që luftojnë mikrobet. Kombinimi i tyre e bën fuqinë kundër mikrobeve të dyfishtë. Për më tepër, si mjalti ashtu edhe qepa pengojnë rritjen dhe zhvillimin e baktereve dhe mikroorganizmave të dëmshëm.

Sipas studimit, përdorimi i lëngut të qepës ka një ndikim shumë të fortë kundër mikrobeve përfshirë Stafilokokun. Mjalti ka gjithashtu një ndikim të fortë por më të pakët se lëngu i qepës. Kur ato kombinohen në sasi të barabarta, ndikimi i mjaltit dhe lëngut të qepës është më efikas dhe më i fortë kundër mikroorganizmave.

Efektet Anësore Të Kurës Me Mjaltë Dhe Qepë

Efektet anësore të kësaj kure ndodhin nëse ju e konsumoni atë në sasi të mëdha. Njerëzit që vuajnë nga diabeti, ata që kanë probleme me hemoragjinë, gratë shtatzënë dhe njerëzit që duhet t’i nënshtrohen një ndërhyrjeje kirurgjikale nuk duhet të konsumojnë sasi të mëdha të qepës. Kjo e fundit, në sasi të mëdha, mund të ulë nivelin e sheqerit në gjak dhe mund të ngadalësojë mpiksjen e gjakut, sipas të dhënave të AgroWeb.org.

Ndërveprimi Me Ilaçet

Njerëzit që janë alergjikë ndaj qepës dhe marrin aspirinë, mund të përballen me një intensitet të lartë të simptomave të alergjisë. Nëse ilaçet si gentamicina i shoqëroni me mjaltë, efekti kundër mikrobeve është më i fortë se në rastin e përdorimit të vetëm të medikamentit. Ndikimi i mjaltit të shëndet shumëfishohet nëse e kombinoni me kanellë, limon ose kafe.

Si Të Përgatisni Kurën Me Mjaltë Dhe Qepë

-Përzieni një qepë mesatare të grirë dhe 3 lugë gjelle me mjaltë.
-Mbulojini me një napë dhe lërini gjatë gjithë natës në temperaturë ambienti.
-Të nesërmen, kullojeni dhe pijeni 2-3 herë në ditë si shurup për 3 deri në 4 ditë.
-Konsumi duhet të jetë i ngadaltë dhe me lugë çaji që të shmangni problemet e mundshme në stomak.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kosovë/ Paneli Zgjedhor për Ankesa dhe Parashtresa urdhëron KQZ-në të certifikojë Listën Serbe për zgjedhje

Kosovë/ Paneli Zgjedhor për Ankesa dhe Parashtresa urdhëron KQZ-në të certifikojë Listën Serbe për zgjedhje

25 Dhjetor, 17:03