Edhe ky vit shkollor e gjeti në çadër Romina Veselin në Fushë-Milot të Kurbinit. Banesa e saj u shkatërrua nga tërmeti i 26-nëntorit të vitit 2019-të, e që prej asaj kohe situata vijon të mbetet e njëjtë. Mes varfërisë dhe kushteve të vështira të jetesës, vogëlushja e cila këtë të hënë nisi klasën e pestë, thotë se studimi është mjaft i vështirë.
“Jetojmë në çadër që prej tërmetit të 26 nëntorit të 2019.Unë shkoj në klasë të pestë. Në çadër është shumë ftohtë dhe vështirë për të fjetur. Edhe kushtet shumë-shumë të vështira. Nuk kemi kushte ku me bë detyra. Me zor jetojmë këtu. Më mirë është të shkoj në shkollë se sa online”, tha nxënësja, Romina Veseli.
Mamaja e saj, Etleva shpreson që ky vit ti gjejë në shtëpi të re, pasi gjendja në të cilën ndodhen është tepër e vështirë.
“Në online nuk është në gjendje me mësuar sepse kushtet nuk janë të mira. Nuk dimë çfarë të bëjmë. Inshallah zoti na vendos dorë këtë verë. Inshallah qeveria vendos dorë. Jam mundu që ti plotësoj kushtet për të shkuar në shkollë, por janë shumë”, tha mamaja e Rominës, Etleva Veseli.
Në njëjtat kushte jetojnë edhe familje të tjera në zonën e Kurbinit, gjë që vështirëson ndjekjen e mësimit nga fëmijët.
“I kam të tre fëmijët në shkollë. Siç e shikoni dhe vetë që nga tërmeti i 26 nëntorit jetoj në çadër. Vështirësitë janë shumë të mëdhaja. Fëmijët me mësim online ngelen përgjysmë. Dëshira ime është që mësimi të vijojë rregullisht. Është tepër e vështirë, pasi në kushtet e ftohta të dimrit i kanë bërë mësimet në çadër. Në temperaturën e nxehtë i kanë bërë mësimet në hije të pemëve. Fëmijët e mi janë mirë në mësime, por reduktimi i mësimit mi ka dëmtuar shumë”, tha banor i Shullazit, Tahir Murati.
Në Kurbin po punohet me intensitet për ndërtimin e pallateve, ndërsa për banesat individuale procesi është më i ngadaltë. Ndërkohë në këtë bashki prej 29 nëntorit të 2019, janë 25 familje që vijojnë të jetojnë në çadra.
Lajme të tjera
-
Lezhë/ Pas një dekade banorët e fshatit Gjadër kanë një vend ku do prehin të vdekurit
16 Prill, 19:21
-
Vrau babanë dhe vëllanë e ish-gruas, Gjykata e Lezhës e dënon me burg përjetë Besnik Pjetrin
16 Prill, 10:17
-
Sekuestrohen 42 mijë metra katrorë tokë e 10 llogari bankare të 4 vëllezërve Hoxha! Në Itali pjesë e trafikut të drogës e prostitucionit! Njëri, anëtar i grupit të kokainës të Jetmir Kastratit
15 Prill, 12:21 -
Art me historitë e ish të burgosurve në Spaç, hapet ekspozita me skulptura dhe kukulla artizane!
14 Prill, 18:01
-
Lezhë/ Aksident i 3-fishtë në Shëngjin, 3 të plagosur nga përplasja e fortë
14 Prill, 17:39 -
‘Kultivoni tokën’, një shqiponjë me fara orizi për sensibilizim! Altin Prenga: Kultivojmë oriz, nuk heqim dorë edhe pse uji mungon
14 Prill, 14:46
-
E rëndë në Lezhë/ Adoleshentin e zë korrenti në banesë, ndërron jetë në spital
14 Prill, 12:47 -
VIDEO/ Automjeti përfshihet nga flakët në autostradën Thumanë - Milot
13 Prill, 20:24 -
Mjeshtri i peisazhit, Pashk Përvarthi çon në Lezhë 28 piktorë, bukuritë e natyrës i hedhin në tejalo
13 Prill, 15:01
-
Lezhë/ Kthyen stanin në ambient për kultivim kanabisi, lirohet vëllai i deputetit! Arrest me burg për dy të tjerët
13 Prill, 11:19
-
Kthyen stanin në 'shtëpi bari', Report Tv siguron videon e arrestimit të Armando Ndrecës, vëllait të deputetit të PS! U prangos pranë një servisi në Lezhë
12 Prill, 08:54 -
Nga Skënderbeu tek Fishta, Bledar Çakalli vizaton muralen nacionaliste në Rrugën e Kombit
11 Prill, 15:54
