Shpërthim i fuqishëm në Laç/ I vihet tritol banesës së Skënder Likës, djali i tij në 2021 vrau biznesmenin Rakip Roli! Dëmtohen edhe banesat përreth (VIDEO)

Fqinjët e Skënder Likës, banesës së cilës i vendosën tritol mëngjesin e sotëm në Sanxhak të Lezhës, e përshkruajnë shpërthimin si shumë të tmerrshëm. Ato e krahasojnë me një tërmet të fuqishëm, ndërsa dëmet në banesën e tyre janë shumë të mëdha.

‘Shpërthimi ka qenë shumë i frikshëm shumë i tmerrshëm. Ne ishim në gjumë, e kemi dëgjuar! Si tërmet i fuqishëm. Kur kam dalë jashtë kam menduar se ishte tërmet. Dëmi është kolosal. E kemi pasur ballë për ballë shtëpinë.’- tha një tjetër.

‘Nga ora 3 e gjysmë. Kur dola mendova se ishte ndonjë termet. Dolëm të gjithë! Pashë pastaj policinë, i kanë vendosur tritol kushëririt tim. Ja ka çarë murin atje. U frikësuam shumë. Kam dalë me vrap duke ikur nga frika. Çatia më ka dalë nga shtëpia. Kam biznesin çdo gjë na është thyer.’- u shpreh një nga fqinjët.

Banesa e Skënder Likës në Sanxhak të Kurbinit nuk është hera e parë që vendoset në shënjestër. Dy vite më parë, më 20 shkurt 2021, persona ende të paidentifikuar kishin vendosur në derën e banesës së Skënder Likës, 9 plumba. Ishte Lika që i pikasi plumbat, ndërsa fill pas kësaj bëri denonconin në polici. Ndërkohë që vëllait të Skënderit, Myslim Likës iu bë atentat pak ditë para ngjarjes.

Report Tv ka siguruar pamjet nga shtëpia e Skënder Likës e cila u hodh në erë mëngjesin e sotëm me një sasi të madhe tritoli. Siç shihet nga pamjet ballkoni i shtëpisë është dëmtuar krejtësisht.

Shpërthimi i në banesën e Skënder likës në Sanaxhak të Kurbinit ka qenë aq i fuqishëm saqë ka shkatura dëme të kondierueshme materiale edhe në banesët për rreth. Report Tv ka siguruar pamjet nga banesa e një fqinj, e cila siç duket është ka dëmtime të mëdha brenda ndërsa shumë xhama janë thyer.