Kuriozitetet e tatuazheve, vipat që nuk ndalen

Tatuazhet janë trendi i fundit sidomos për femrat e showbizit.

Të fundit që kanë aplikuar tatuazhe të reja kanë qenë Rihanna, Miley Cyrus, Lady Gaga dhe Angelina Jolie.

Ndërsa ndër meshkujt, Justin Bieber vazhdon ende që të aplikojë tatuazhe.

Ka disa kuriozitete sa i përket tatuazheve.



Së pari, tatuzahi lidhet me personalitetin.

Nëse ai preferohet i madh dhe zë një pjesë të madhe të fizikut, në këtë rast tatuazhi përdoret si një lloj maskimi për të mohuar trupin.

Së dyti, femrat i preferojnë tatuazhet në vende të tilla si, qafa, kyçi i dorës, i këmbës, fundshpina dhe pas qafës.

Ndërsa meshkujt preferojnë shpinën, krahun dhe shpatullën.

Së treti, përzgjedhja për ta aplikuar tatuazhin në anën e majtë të trupit do të thotë se ata njerëz kanë pasiguri dhe janë pesimist për veten e tyre.

Ata që zgjedhin anën e djathtë janë optimistë për të ardhmen dhe të hapur për ndryshime.

Së katërti, tatuazhet aplikohen për trend dhe sidomos nga femrat.

Ato zakonisht “vulosin” mbi lëkurën e tyre emrin e një personi të dashuri, lindjen e një fëmije, data të rëndësishme, të dhëna sekrete etj.

Por, ka raste kur tatuazhi është thjesht një dekor më shumë dhe në këtë rast piktori shpreh talentin e tij mbi lëkurë të bardhë, ndërsa tjetri zgjedh objektet e tij të preferuara dhe “të përhershme”.
Redaksia Online
(g.m/shqiptarja.com)