POP 5

Lajmet më të lexuara të 5 minutave të fundit

Bota

Kurorëzimi i mbretit Charles, do jenë 2000 të ftuar në ceremoni! Do marrë pjesë edhe princ Harry, pa Meghan e fëmijët

Britania po përgatitet për kurorëzimin e mbretit Çarls në ceremoninë që do të mbahet në 6 maj. Rreth 2000 të ftuar do të ndjekin ceremoninë, mes tyre monarkë, udhëheqës botërorë dhe krerë shtetesh. Princi Harry do të jetë i pranishëm, por pa bashkëshorten dhe dy fëmijët.

Nga anëtarët mbretërorë të huaj tek drejtuesit e bamirësisë, të ftuarit e ceremonisë së kurorëzimit të mbretit Charles, pritet të pasqyrojnë një Britani moderne dhe multikulturore. Ftesat tashmë janë dërguar dhe përgatitjet e ceremonisë kanë nisur, ndërsa numërimi mbrapsht për kurorëzimin e mbretit Charles më 6 maj ka filluar. Konfirmohet se numri i të ftuarve do të jetë rreth 2,000 persona për të dëshmuar kurorëzimin e mbretit Charles dhe mbretëreshës Camilla në Ëestminster Abbey.

Pjesë e ceremonisë do të jetë edhe Prici Harry që do të udhëtojë nga Kalifornia, por sic dihet tashmë pa bashkëshorten e tij, Dukeshën e Sussex Meghan Markle dhe dy fëmijët e tyre Archie dhe Lilibet.

Ndërkohë, edhe Dukesha e Jorkut do të humbasë kurorëzimin, por pritet të përfshihet në një festë private të familjes mbretërore pas ceremonisë. Në kurorëzimin e Mbretit do të jenë të pranishëm edhe anëtarë të familjeve mbretërore të huaja.

Konventa që daton prej shekujsh thotë se kurorëzimi duhet të jetë një ceremoni e shenjtë midis një monarku dhe popullit në prani të Zotit. Por Mbreti Çharles ka vendosur t’i shmanget traditës dhe të ftojë homologët e tij nga e gjithë bota. Përsa i përket deputetëve britanikë fillimisht ishte planifikuar që numri të arrinte në 20 deputetë dhe 20 politikanë, por këto shifra duket se janë dyfishuar.

Ndërkohë nga ana tjetër lëvizja kryesore antimonarkike e Britanisë ka planifikuar demonstratat e tyre më të mëdha për ditën e kurorëzimit të mbretit Charles javën e ardhshme. Kreu i organizatës, Graham Smith, e konsideron kurorëzimin e mbretit të Britanisë si rastin më të mirë për të protestuar kundrejt institucionit te monarkisë, ku sipas tij nuk ka vend për të në një demokraci të shekullit të 21-të. Smith thotë se pret më shumë se 1000 protestues ndërsa do të brohorasin me zë të lartë: “ti nuk je mbreti im”, kur Charles të kalojë me karrocën e tij të artë.

Ceremonia e kurorëzimit të mbretit është një ngjarje që ndodh një herë në një gjeneratë dhe do të mbledhë  në Londër disa nga emrat më të mëdhenj nga bota e politikës, dhe shoqëria e lartë.

Tre presidentët e institucioneve të BE-së, Ursula von der Leyen, Roberta Metsola dhe Charles Michel janë gjithashtu mes të ftuarve.

Andrzej Duda, presidenti polak, ishte kreu i parë i shtetit që u konfirmua si i pranishëm në këtë ngjarje. Ndërkohë presidenti amerikan Joe Biden ka konfirmuar se ai nuk do të marrë pjesë në kurorëzim dhe se SHBA-ja do të përfaqësohet nga gruaja e tij Jill, zonja e parë e vendit. Përfaqësues nga shumë prej shoqatave të bamirësisë të Mbretit dhe një pjesë e madhe e sektorit vullnetar do të jenë të pranishëm në ceremoni.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

‘Giro d’Italia 2025’ nis nga Shqipëria, jehonë në mediat e huaja

‘Giro d’Italia 2025’ nis nga Shqipëria, jehonë në mediat e huaja

26 Dhjetor, 08:14