POP 5

Lajmet më të lexuara të 5 minutave të fundit

Ekonomi

Kursi i euros ndaj lekut
më i larti vitet e fundit

Java e kaluar ka shënuar një forcim të lehtë të monedhës vendase, duke ndalur rënien e vlerës të katër ditëve radhazi në tregun e këmbimit valutor.
Kursi i euros ndaj lekut<br />më i larti vitet e fundit
TIRANE - Java e kaluar ka shënuar një forcim të lehtë të monedhës vendase, duke ndalur rënien e vlerës të katër ditëve radhazi në tregun e këmbimit valutor. Sipas kursit zyrtar të Bankës së Shqipërisë, një euro u këmbye të premten me 140.29 lekë, nga 140.33 lekë një ditë më parë. Pavarësisht forcimit të lehtë, leku mbetet i dobët për këtë periudhë të vitit, që tradicionalisht shoqërohet me prurje të valutës nga emigrantët dhe turistët e huaj.

Kursi mesatar i këmbimit për periudhën 1-23 gusht 2013 është më i larti i viteve të fundit, në 139.96 lekë, nga 137 lekë që ishte në të njëjtën periudhë të një vit më parë dhe 139.7 lekë në gusht 2011. Ekspertët e Bankës së Shqipërisë kanë pohuar se arsyeja kryesore e lekut të dobët lidhet me prurjet e dobëta që janë konstatuar nga emigrantët këtë verë, duke reflektuar si tendencën ciklike të shkëputjeve të lidhjeve me vendin mëmë, por sidomos krizën që po kalojnë shtetet fqinjë, Greqia e Italia.

Për periudhën janar- gusht, kursi mesatar i këmbimit ka qenë 140.2 lekë, nga 139 lekë që ishte kursi mesatar për 2012-n. Agjentët e tregut valutor presin që euro të qëndrojë e fortë në tregun vendas në vijim.

Shkrimi u botua sot në gazetën Shqiptarja.com (print) 25.08.2013
 
Redaksi Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën

Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën

27 Nëntor, 21:15