POP 5

Lajmet më të lexuara të 5 minutave të fundit

Ekonomi

Kursimet nuk të bëjnë me shtëpi, e pamundur ta blesh pa kredi! Inxhinieri Lefter Sila: Apartamentet janë shtrenjtuar me 40% pas 2015

Ndërtimet e reja kanë rritur ndjeshëm çmimet e apartamenteve. Nga viti 2015 e më pas apartamentet janë shtrenjtuar deri në 40%. Inxhinieri Lefter Sila thotë se në zonat rreth qendrës në Tiranë një metër katror ka kapërcyer 3300 euro. Ndërkohë për familjet e reja dhe me të ardhura mesatare është e pamundur marrja e një banese pa kredi.

Të blesh një apartament në Tiranë, për një familje me të ardhura deri në mesatare po bëhet e pamundur, për shkak të çmimeve tepër të larta. Ndërtimet e reja po sjellin çmime gjithnjë e më të shtrenjta, duke bërë që qytetarët ti drejtohen bankave për të marrë kredi, në mënyrë që të blejnë një banesë. Inxhinieri dhe agjenti imobiliar Lefter Sila thotë se çmimet nga viti 2015 e deri tani janë rritur deri në 40%, ndërkohë liston edhe shkaqet e kësaj situate.

“Në radhë të parë pronarët e kanë rritur mjaft përqindjen e këmbimit që marrin në kontratë me ndërtuesin. Kjo përqindje shkon nga 30% në zonat e larta e deri në 50% në qendër. Që do të thotë se ndërtuesit i mbetet për tu shitur më pak se në rast se do e kishte të gjithë pallatin. Së treti cilësia e ndërtimit është rritur gjithashtu kështu që është rritur edhe kostoja e ndërtimit. Po ashtu, ndërtuesit kanë pritur 6-7-8 vjet derisa të merrnin lejet e ndërtimit dhe gjatë kësaj kohe kanë harxhuar vlera të mëdha monetare për të mirëmbajtur makineritë, punëtorët”, thotë Sila.

Zonat më të kushtueshme të Tiranës mbeten ish-blloku, unaza dhe pjesa e qendrës, ku  1 metër katror kapërcen në 3300 euro.

“Zonat më të kushtueshme janë ish-Blloku, zona e Televizionit, zona e qendrës, rreth unazës së vogël. Në zonat e mira të Tiranës, çmimet janë 2500-3300 euro metri katror për ndërtimet e reja. Ndërsa një familje me të ardhura mesatare mund të marrë një apartament sigurisht duke e ndihmuar edhe kredia rreth zonave jashtë unazës së vogël”, sqaron inxhinieri.

Pavarësisht bumit të madh të ndërtimeve që logjikisht duhet të sjell ulje të çmimeve, inxhinieri thotë se edhe këtë vit pritet shtrenjtim i pronave.

“Unë mendoj se rritja nga viti 2019-2020 ka qenë më e ulët, ndërsa bumi i rritjes është nga viti 2015, për ndërtimet e reja dhe ato që po ndërtohen tani me themele”, deklaroi ai.

Ndikim në këtë shtrenjtim ka edhe mungesa e pronave pranë qendrës, dhe ato që kanë mbetur janë të kushtueshme, për këtë arsye ndërtuesit po orientohen në periferi, për të hapur themelet e tjera.

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Saliu: 28/02/2021 19:42

    Adi, e ke qare gjuhen shqipe. Shko ne ndonje kurs te pakten.

    Përgjigju
  • Sefgjini: 28/02/2021 08:37

    Madje shume i larte. Mjaftonin deri 5 parti dhe pragu te jete 5%.

    Përgjigju
  • Ggg: 28/02/2021 06:50

    Ky inxhinieri qenka nje kokrra .... pse nuk e dime ne se cmimet jane rritur vetem per arsye te larjes se parave te droges.... keto arsyet e renditura nga ky palo inxhinier jane qesharake....

    Përgjigju
    • Stefff: 28/02/2021 19:11

      Kur ka larje parash ne nje sektor cmimet jane me te uleta, specialista te gjithe.

  • adi: 27/02/2021 22:33

    400% se te japesh shtepi ne tirane ME EURO (akoma se kuptoj jetojme ne vend me valute Lek) me vlere 700-1500 euro nje "normale" eshte budallik. cmimet e shpia max duhet te jene 40-50 mil leke nje normale. por dhe me lire per shtresat e tjera jo 100mil leke shpi e ku NE FRESK -_-

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

25 Dhjetor, 08:15