POP 5

Lajmet më të lexuara të 5 minutave të fundit

Kurthi me rusët/ Thaçi: Kufijtë? Zaev më kërkoi falje, tha se të gjitha janë thashetheme

Presidenti i Kosovës, Hashim Thaçi ka reaguar për herë të parë pas deklaratave të kryeministrit maqedonas Zaev për ndryshimin e kufijve gjatë bisedës ku ra në kurthin e komedianëve rusë. Thaçi tha se Zaev e ka telefonuar mbrëmë dhe i ka thënë se ato që tha janë të bazuara në thashethemet ruse.

“Unë mbrëmë kam zhvilluar një bisedë telefonike me Zaevin, rreth 20 minuta. Ai më ka thirrur për t’u sqaruar me atë që ai ka biseduar me njerëzit që e kanë thirrur. Më ka thënë qartë se kjo ka qenë një rrethanë ku ka rënë pre e mashtrimit. Gjoja se 10 komunat që do t’i jepen Serbisë janë të bazuara në thashetheme dhe dezinformata dhe në të dhënat e Gazetës Sputnik dhe thashethemet ruse.

Më ka kërkuar falje mua personalisht dhe Kosovës dhe në të njëjtën kohë ka potencuar se ato që ai ka folur me mashtruesit, të cilët e kanë thirrur në telefon, se nuk ka asnjë fakt, asnjë evidencë, as informacion zyrtar për atë që ka deklaruar, por të gjitha janë të bazuara në thashetheme. Raportet me Maqedoninë kanë qenë dhe do të mbesin korrekte, Kosova do të vazhdojë ta fuqizojë perspektivën e saj euroatlantike” tha ai.

Kryeministri i Maqedonisë së Veriut, Zoran Zaev e ai i Kosovës, Ramush Haradinaj, të dy ranë pre e dy komedianëve rus, Aleksei Stoljarov dhe Vladimir Kuznetsov, që duke përdorur identitete të rreme të liderëve të shteteve, telefonojnë personalitete të njohura, duke biseduar me to për tema të ndryshme.

d.ba./Shqiptarja.com
Komento

Komente

  • Gege Kosova: 12/07/2019 09:07

    Nuk habitem me Zaevin primiiv e paidentitet shteterore,kombetar,gjuhesore e fetar,qe ka rene keq ne Kurthen e humoristeve.Por, habitem me dalldisjen e disa politikaneve tane, qe moren turr naivisht aq keq,sa dolen te papermbajtur ne urrejtjen qe kane ndaj Thacit. Ne popull thuhet, "Mos e t'vet, se t'kallxon vet".

    Përgjigju
  • adamo311: 12/07/2019 03:02

    Plot 20-te vite Thaqi genjen, mashtron, fal troje,...etj. kush do te mendote se nje Maqedon do te na ndihmonte (pa dashje) qe te dale ne shesh karakteri tradhtar i Thaqit!!! Prandaj flmd. ZAEV. Shpresoj qe Shqipetaret kudo ne bote do te bejne te mundur (presion) burgimin e ketij Tradhtari! Ne kohet kur Shqipetaret nuk ishin te hutuar (preokupuar) vetem me fitimin e Lekut, benin vepra per te cilat ne zemrat tona u bene te PAVDEKSHEM, KRENAR ME AVNI RRUSTEMIN!!! Pershendetje.

    Përgjigju