Kurti flet pas Samitit të Procesit të Berlinit në Tiranë: Brnabiç s’ishte e interesuar të nënshkruante marrëveshjen bazike me ne

 

Kryeministri i Kosovës Albin Kurti, ka bërë një deklaratë për mediat pas samitit të Procesit të Berlinit që u mbajt në Tiranë. Kurti tha se kryeministrja e Serbisë Ana Brnabiç nuk ishte e interesuar që të firmoste marrëveshjen bazike me Kosovën dhe aneksin e zbatimit.

‘Shpresojmë mos të ketë episod të katërt nga sulmet e Serbisë. Duhet të ketë sanksione ndaj Serbisë. Është ditë e mirë pasi Procesi i Berlinit e bën Ballkanin Europian.  Presidenti i Serbisë është i zënë në Kinë. Le ta nënshkruajmë marrëveshjen me kryeministren e Serbisë, marrëveshjen bazike të Brukselti dhe aneksin e zbatimit, por nuk ishte i interesuar. Scholz i jam falënderuar dhe Gjermania është partneri ynë i rëndësishëm.’- tha Kurti.

LEXO EDHE:
‘BE sanksionoi Prishtinën për shkak të sjelljes së Kurtit’/ Eksperti në Report Tv: Serbia pret fitoren e Rusisë në Ukrainë për të aneksuar veriun e Kosovës

Kurti u shpreh se Veriu i Kosovës është tokë e Kosovës.

“Veriu i Kosovës është tokë e Kosovës dhe ne kemi nevojë për më shumë siguri. Pra trupat e NATO-s të jenë në patrullim me Policinë e Kosovës. Policia është dhe në veri të Ibrit. KFOR Nuk është institucion i zbatimit, por Policia e Kosovës.  I falënderoj ata që ishin konstruktiv dhe na mbështesin.”, tha Kurti.

Lajmi kryesor:

Kurti pas Samitit të Procesit të Berlinit në Tiranë: I kërkova Brnabiç të firmosë marrëveshjet! Serbia na kërcënon ende me pushtim

M.Q./KT/Shqiptarja.com

TAG:
• samiti i berlinit ne tirane
• Albin Kurti
• tensione ne veri te kosoves
• vritet polici ne kosove
• serbi
• kosova