Kurti i rrethuar me truproja, s’lejohet të dalë nga Kuvendi pas përleshjes me grushta

Kryeministri i Kosovës, Albin Kurti po vazhdon të qëndrojë i rrethuar nga truprojat e tij në Kuvend, pasi opozita nuk e lejon të dalë jashtë sallës.

Siç edhe shihet nga pamjet e Nacionales, deputetët kanë lënë karriget e tyre, ndërsa kryeministri shihet i rrethuar me truproja.

LEXO EDHE:
Deputeti i LDK-së: Kurti ka blerë 582 milionë € energji në bashkëpunim me kompani serbe! Në dialogun me Serbinë sillet si ‘one man show'

Kjo situatë, vjen pas përleshjes masive me grushta në Kuvendin e Kosovës, ndërkohë që  kryeministri Kurti po mbante fjalim, fillimisht, deputetja e PDK-së, Ganimete Musliu e quajti gënjeshtar.

Më pas, njëra prej deputeteve vendosi një fotografi në foltoren e Kuvendit, ku shihej kryeministri me “hundë të zgjatur”, që simbolizon gënjështrën.

Pas disa sekondave, letra u largua dhe u shqye nga zëvendëskryeministri Besnik Bislimi.

Kjo e acaroi deputetin e PDK-së, Mërgim Lushtaku, i cili hodhi ujë nga një shishe në drejtim të zëvendëskryeministrit Bislimi, dhe më pas, përleshja kaloi mes ministrave dhe deputetit Lushtaku.

Në pamjet direkte, shihet se deputetët janë përleshur me grushta, derisa ka ndërhyrë edhe sigurimi i kryeministrit Kurti.

TAG:
• tensione ne veri te kosoves
• Albin Kurti
• LVV
• kosove
• PDK

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.8%

Vota total: 1545

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq