KOSOVË- Kuvendi i Kosovës është përfshirë nga kaosi në seancën e zhvilluar këtë të enjte. Deputetët e opozitës dhe të shumicës parlamentare janë përfshirë në përplasje fizike dhe bllokuan disa herë foltoren e parlamentit duke mos lejuar mbajtjen e fjalimeve, ku çështja kryesore lidhej me dakordësinë me BE në Bratislavë për të shtensionuar situatën në Veri të Kosovës që nisi uljen e pranisë së policisë. Gjatë tensioneve u hodh edhe shishe në drejtim të kryeministrit Kurtit. Tensionet vijuan për orë të tëra deri në largimin e opozitës, ndërsa prokuroria e Prishtinës tha se nisi hetimet.
Gjatë qëndrimit pranë foltores deputetët e opozitës mbajtën banderola ku shfaqej kryeministri Kurti me hundë të zgjatur, si personazhi i Pinokut, e po ashtu edhe deputetja Mimoza Kusari Lila, çka nënkuptonte se ata ndryshe vepronin me palën serbe, e ndryshe deklaronin.
Kreu i Kuvendit u dha vërejtje me paralajmërim për largim nga seanca disa deputetëve të PDK-së që vazhdonin të qëndronin në foltore për minuta të tëra, ndërsa pas largimit të tyre seanca iu kthyer normalitetit. Fillimisht përplasjet në kuvend nisën kur kryeministri i Kosovës Albin Kurti po fliste për marrëveshjen e nënshkruar në Bratisllavë mes zëvendëskryeministrit Besnik Bislimi me të dërguarin e BE-së për dialogun Miroslav Lajçak
Ishte deputetja e PDK-së, Ganimete Musliu që e quajti Kurtin “rrenc”, ndërsa një tjetër deputete vendosi një fotografi në foltoren e Kuvendit, ku shihej kryeministri me “hund të zgjatur”, që simbolizon gënjështrën. Por banderola u gris në mënyrë demonstrative nga zëvendëskryeministri Besnik Bislimi, çka solli edhe tensionimin e situatrës .
Deputeti i PDK-së, Mërgim Lushtaku, i cili hodhi ujë nga një shishe në drejtim të zëvendëskryeministrit Bislimi. Por Më pas, përleshja u bë më e ashpër dhe ministrat e Qeverisë sulmuan deputetin Lushtaku bashkë me të tjerët që dolën aty.
Grushtat nuk kanë pushuar mes njeri tjetrit, deri kur në seancë ndërhyri edhe sigurimi i kryeministrit Kurti. Gjatë përleshjes që ka ndodhur në Kuvendin e Kosovës, një numër i madh i pjesëtarëve të sigurisë rrethuan Kurtin, ku njëri prej tyre shihet duke e mbajtur të hapur pranë Kurtit mburojën anti-plumb, e cila përdoret në rast të rrezikut për të shtëna me armë.
Partia Demokratike e Kosovës ka reaguar nëpërmjet një komunikate për media pas përeshjes në Kuvend.
PDK-ja e ka akuzuar zv/kryeministrin Besnik Bislimi se ishte pari që nisi përleshjen, duke sulmuar me shishe Mërgim Lushtakun. PDK-ja ka kërkuar që kjo qeveri të shkojë në shtëpi, dhe vendi të shkojë në zgjedhje.
Çfarë po deklaronte Kurti kur ndodhi përplasja
“Marrëveshja që u bë nuk është marrëveshje për normalizim, është marrëveshje për de-eskalim në të cilën ne natyrisht nuk heqim dorë nga zbatimi i ligjit, nga sundimi i ligjit, nga luftimi i krimit të korrupsionit e kontrabandës. Por në të njëjtën kohë edhe e kemi shfaqur ndjeshmërinë për rëndësinë e paqes së qëndrueshme, të stabilitetit afatgjatë të sigurisë për të gjithë, e cila nënkupton që të kemi ndjeshmëri që në këto dy javët e fundit nuk ka pasur as protesta të dhunshme, as incidente, as sulme në veri të Kosovës”.
Por për shkak të situatës së tensionuar në Kuvend kryeministri Kurti hoqi dorë nga mbajtja e fjalimit të plotë.
Edhe kryeministri Edi Rama ka reaguar në mbrojtje të Albin Kurtit pasi u godit nga deputetët e PDK-së në seancë plenare. Rama thotë se është e turpshme që në një seancë ku kundërshtia është demokratike e bëhet me fjalë e ide të përdoren grushte e sharje. Rama nënvizon se ajo çfarë ndodhi ishte e turpshme dhe se është i bindur se justfikimi i asaj shëmtie nuk e ndihmon, por e dëmton edhe më shumë reputacionin e Kosovës.
Lajm në përditësim...
Deputeti i Partisë Demokratike të Kosovës, Mërgim Lushtaku, i cili hodhi ujë në drejtim të Albin Kurtit, ka njoftuar se ka pranuar ftesë nga Prokuroria në Prishtinë lidhur me situatën e sotme që ndodhi në Kuvendin e Kosovës.
“Sapo më njoftuan nga zyra e grupit tonë parlamentar të PDK-së, se kam pranuar një ftesë nga Prokuroria Themelore në Prishtinë – Departamenti i Përgjithshëm, për t’u deklaruar rreth ngjarjes së sotme. Ftesës do t’i përgjigjem pozitivisht, pasi të përfundoj seanca në Kuvendin e Kosovës” – ka thënë Lushtaku.
Pas tensioneve, që u karakterizuan me shtyrje mes deputetëve në opozitë dhe pushtet dhe me bllokimin e foltores së Kuvendit, seanca e jashtëzakonshme e Kuvendit të Kosovës ka vazhduar me shqyrtimin e pikave që janë në rend të ditës. Eliza Hoxha nga subjekti opozitar Partia Demokratike e Kosovës, tha se pas largimit nga salla plenare e zëvendëskryeministrit Besnik Bislimi, seanca mund të vazhdojë.
“Mendoj që pasi Bislimi lëshoi sallën dhe u plotësua kushti ynë, mendoj se tani mund të vazhdojë seanca”, tha ajo. Seanca e jashtëzakonshme po mbahet me kërkesë të 41 deputetëve. Ligjvënësit kanë mriatuar në lexim të dytë Projektligjin për çmimet e produkteve medicinale.
Në sallën plenare, kur deputetë të PDK-së dhe Aleancës për Ardhmërinë e Kosovës u grumbulluan afër foltores, u panë edhe pjesëtarë të mbrojtjes së afërt të kryeministrit Albin Kurti. Kryeparlamentari Glauk Konjufca më herët paralajmëroi deputetët që po bllokojnë foltoren se mund t'i përjashtojë nga seanca.
“Deputetëve të cilët nuk po e lirojnë foltoren ua jap vërejtjen me paralajmërim për largim nga seanca”, tha Konjufca. Më herët, deputetë të partive opozitare kanë kërkuar që seanca të ndërpritet menjëherë, duke argumentuar se “nuk ka kushte” që ajo të vazhdojë.
Seanca e jashtëzakonshme vjen pasi vazhdimi i seancës së rregullt u ndërpre. Opozita ka vendosur pranë foltores pano ku shkruan "Zdravo" ['Përshëndetje' në gjuhën serbe] me portretin e shefes së Grupit Parlamentar të Lëvizjes Vetëvendosje në pushtet, Mimoza Kusari-Lila, dhe atë të kryeminstrit Albin Kurti.
Gazeta e njohur britanike, “The Guardian”, ka raportuar për përleshjen fizike që ndodhi të enjten në Kuvendin e Kosovës, duke theksuar se incidenti ndodhi pasi kryeministri Albin Kurti ishte duke folur për masat për uljen e tensioneve me serbët etnikë në pjesën veriore të vendit. Lajmin për këtë ngjarje e ka publikuar edhe agjencia amerikane e lajmeve, “Associated Press”, nga e cila është marrë teksti nga gazeta “The Guardian”.
“Një përleshje shpërtheu në Kuvendin e Kosovës, pasi një ligjvënës i opozitës i hodhi ujë kryeministrit Albin Kurti, përderisa ai ishte duke folur për masat qeveritare për uljen e tensioneve me serbët etnikë në veriun e vendit”- raporton agjencia e njohur amerikane dhe gazeta e famshme britanike.
Agjencia dhe gazeta theksojnë se partitë opozitare në Kosovë kanë kritikuar politikat e Kurtit në veriun e vendit, të cilat i kanë tensionuar marrëdhëniet me aleatët kyçë perëndimorë.
“ShBA-ja dhe Bashkimi Evropian i kanë vënë presion Kurtit për ta ndihmuar qetësimin e situatës. Dhuna shpërtheu në maj, kur kryetarët shqiptarë të komunave, të mbështetur nga policia, u vendosën në zyra pas zgjedhjeve që ishin bojkotuar gjerësisht nga shumica etnike serbe në atë zonë”- thuhet më tej.
“Të mërkurën, Kurti njoftoi se do ta zvogëlojë numrin e policëve të njësisë speciale të vendosur pranë katër ndërtesave komunale në zonat me shumicë serbe në veriun e Kosovës dhe se do të mbahen zgjedhje të reja komunale në secilën qytezë”- raportohet nga mediat prestigjioze.
Në Kuvendin e Kosovës sërish kanë ndodhur përplasje midis deputetëve të Partisë Demokratike të Kosovës në opozitë, dhe të partisë në pushtet, Lëvizjes Vetëvendosje.
Në sallën plenare janë parë edhe pjesëtarë të mbrojtjes së afërt të kryeministrit Albin Kurti.
Kryeparlamentari Glauk Konjufca paralajmëroi deputetët që po bllokojnë foltoren se mund t'i përjashtojë nga seanca.
“Deputetëve të cilët nuk po e lirojnë foltoren ua jap vërejtjen me paralajmërim për largim nga seanca”, tha Konjufca.
Deputetë të partive opozitare kanë kërkuar që seanca të ndërpritet menjëherë, duke argumentuar se “nuk ka kushte” që ajo të vazhdojë.
Seanca e jashtëzakonshme vjen pasi vazhdimi i seancës së rregullt u ndërpre.
Prokuroria Themelore në Prishtinë ka nisur hetimet pas përleshjeve fizike në Kuvendin e Kosovës, midis deputetëve të Partisë Demokratike të Kosovës dhe anëtarëve të Qeverisë së Kosovës.
Sipas njoftimit, prokurori i shtetit ka iniciuar hetime për veprën penale “Sulmi” dhe ka autorizuar “policinë në ndërmarrjen e të gjitha veprimeve të nevojshme hetimore, përfshirë po ashtu marrjen e deklaratave të palëve të përfshira në këtë rast”.
Gjatë seancës plenare paraditen e së enjtes, teksa kryeministri i Kosovës, Albin Kurti, po mbante fjalim, deputeti i PDK-së, Mërgim Lushtaku hodhi ujë në drejtim të tij, e pastaj në drejtim të zëvendëskryeministrit, Besnik Bislimit.
Në Kuvendin e Kosovës sërish kanë ndodhur përplasje midis deputetëve të Partisë Demokratike të Kosovës në opozitë, dhe të partisë në pushtet, Lëvizjes Vetëvendosje. Opozita po tenton që të parandalojnë mbajtjen e seancës së jashtëzakonshme që u thirr nga 41 deputetë.
Ata fillimisht bllokuan foltoren, teksa Kuvendi miratoi në lexim të dytë Projektligjin për çmimet e produkteve medicinale. Pas votimit, pati shtyrje mes deputetëve të mbledhur pranë foltores.
Opozita ka vendosur pranë foltores ku shkruan "Zdravo" [Përshëndetje] me portretin e shefes së Grupit Parlamentar të Lëvizjes Vetëvendosje në pushtet, Mimoza Kusari-Lila, dhe atë të kryeminstrit Albin Kurti.
Seanca e jashtëzakonshme vjen, pasi vazhdimi i seancës së rregullt u ndërpe. Paraditen e 13 korrikut, gjatë kësaj seance kishte përleshje fizike mes deputetëve dhe anëtarëve të Qeverisë, teksa opozita po kritikon pushtetin për shkak të publikimeve të disa përgjimeve ku është përfshirë Kusari-Lila.
Kreu i Aleancës për Ardhmërinë e Kosovës, Ramush Haradinaj publikoi një video të fjalimit të tij të një viti më parë kur akuzoi liderët e Vetëvendosjes se si bashkuan votat me Listën Serbe kundër UÇK.
Ramushi e ka nxjerrë videon pikërisht pasi doli video ku Mimoza Kusari flet me deputetin e Listës Serbe për ligjin mbi veteranët e UÇK.
Kryeministri Edi Rama ka reaguar sërish në lidhje me përplasjen që ndodhi ditën e sotme në Kuvendin e Kosovës. Rama nënvizon se ajo çfarë ndodhi ishte e turpshme dhe se është i bindur se justfikimi i asaj shëmtie nuk e ndihmon, por e dëmton edhe më shumë reputacionin e Kosovës.
‘Më “mbytën” miq nga Kosova pse e paskam mbrojt Albinin, se shishen e parë e paska gjujt Bislimi dhe paska qenë VV që e paska hap kapitullin e dhunës në Kuvendin e Kosovës kur ishte në opozitë! Nuk më duhet kush e ka gjujt shishen e parë, mbase keni të drejtë ju, mbase jo, por nëse demokracia parlamentare katandiset në kush gjujti i pari atëherë kemi një problem edhe me kuptimin e demokracisë, edhe me kuptimin e këtij momenti kyç për Kosovën, e cila nuk ia ka borxh askujt besoj shfaqjen skandaloze të ditës së sotme. Dhe si dikush që e di mirë se sa poshtë ka rënë Kosova në sytë e krejt botës demokratike për shkak të qasjes së gabuar të qeverisë, unë vazhdoj mendoj se çka ndodhi sot është e turpshme dhe jam i bindur se justifikimi i asaj shëmtie nuk e ndihmon, po e dëmton ende më shumë reputacionin e Kosovës, prandaj thashë dhe e them prapë se uroj që opozita të distancohet nga një shëmti e tillë!’- shkruan Rama në rrjetet sociale.
Më “mbytën” miq nga Kosova pse e paskam mbrojt Albinin, se shishen e parë e paska gjujt Bislimi dhe paska qenë VV që e paska hap kapitullin e dhunës në Kuvendin e Kosovës kur ishte në opozitë! Nuk më duhet kush e ka gjujt shishen e parë, mbase keni të drejtë ju, mbase jo, por… pic.twitter.com/ahBsN5t8TS
— Edi Rama (@ediramaal) July 13, 2023
Deputeti nga radhët e Partisë Demokratike të Kosovës, Mërgim Lushtaku, ka reaguar pas sherrit masiv që u zhvillua në Kuvendin e Kosovës mes deputetëve të PDK-së dhe kabinetit qeveritar.
Lushtaku i cili hodhi ujë në drejtim të kryeministrit Albin Kurti, tha se reagimi i tij ishte kundër kriminelit dhe terroristit, Milan Radoiçiç, kjo pas audio-incizimeve që u publikuan këto ditë, ku dëgjohet shefja e grupit parlamentar të Lëvizjes Vetëvendosje, Mimoza Kusari-Lila, duke koordinuar politikat shtetërore me kriminelin Radoiçiç.
“Reagimi im ishte kundër Radoiçiç-it dhe argatëve te tij”, shkroi shkurt Lushtaku në “Facebook”.
Partia Lëvizja Vetëvendosje në Kosovë ka reaguar mbi përleshjet në Kuvendin e Kosovës, ku Kryeministri i Kosovës, Albin Kurti është goditur nga deputetët e PDK-së në parlamentin e Kosovës teksa po fliste për situatën në veri të vendit.
Lëvizja e vetëvendosjes e ka dënuar dhunën e shkaktuar sot në parlamentin e Kosovës, duke i cilësuar deputetët e PDK-së, si një bandë rrugaçësh, të cilët sulmuan kryeministrin dhe ministrat e Kosovës.
“Krimi i organizuar dhe dora e zgjatur grusht nuk na ndalë në sjelljen e rendit dhe kushtetutshmërisë në Republikë. Sot në Kuvendin e Kosovës dora e zgjatur e atyre që nuk e duan shtetësinë, demokracinë dhe ligjin e Kosovës, u përpoq të bëhet grusht. Teksa kryeministri Albin Kurti po mbante fjalim duke treguar për betejën e Republikës së Kosovës për shtrirje të rendit e të ligjit në veri të vendit, disa deputetë të PDK sulmuan me grushta, si një bandë rrugaçësh, kryeministrin dhe ministrat e Kosovës ”, ka shkruar Partia Lëvizja Vetëvendosjes.
Tutje Lëvizja e vetëvendosjes e ka cilësuar sulmin si një veprim i koordinuar mes degëve të ndryshme të së njëjtës bandë.
“Ky sulm po bëhet ndaj qeverisë së parë të Kosovës e cila nuk e ka asnjë ministër apo zv.ministër të kontrolluar nga Beogradi. Ky sulm po bëhet pikërisht në një moment të rëndësishëm të ballafaqimit diplomatik e jo vetëm të Kosovës me Serbinë. Ky sulm erdhi si veprim i koordinuar mes degëve të ndryshme të së njëjtës bandë: disa prej tyre i thonë vetes deputetë, disa i thonë vetes gazetarë, e disa protestues. Por Kosova do të ecë përpara në konsolidimin e shtetësisë së saj, pavarësisht sulmeve të tilla.Lëvizja VETËVENDOSJE! mbetet e përkushtuar dhe e angazhuar për drejtësi dhe kriminelët që kanë dëmtuar shoqërinë e shtetin tonë për t’u pasuruar padrejtësisht, nuk do të amnistohen”, ka shkuar partia e Albin Kurtit.
Kryeministri Edi Rama ka reaguar në mbrojtje të Albin Kurtit pasi u godit nga deputetët e PDK-së në seancë plenare. Rama thotë se është e turpshme që në një seancë ku kundërshtia është demokratike e bëhet me fjalë e ide të përdoren grushte e sharje.
“Të mos jesh dakord me kryeministrin është demokratike, ta shprehësh kështu kundërshtinë është të njollosësh veten, zgjedhësit e tu dhe krejt shtetin me një turp që sot i bën dëm Kosovës edhe ndërkombëtarisht, më shumë se sa çfarëdo qëndrimi politik që po ia kundërshton kryeministrit! Imagjinojini si ndjehen aleatët dhe miqtë e pazëvendësueshëm të Kosovës e të shqiptarëve, kur shohin se si kapen për fyti shqiptarët, aty ku duhet të luftohet me ide e me fjalë, jo me sharje e me grushta! Uroj shumë që opozita të distancohet nga kjo sjellje e turpshme dhe t’i shërbejë Kosovës me forcën e shembullit, jo me shembullin e forcës!”- thotë Rama.
Kryeministri i Kosovës, Albin Kurti po vazhdon të qëndrojë i rrethuar nga truprojat e tij në Kuvend, pasi opozita nuk e lejon të dalë jashtë sallës.
Siç edhe shihet nga pamjet e Nacionales, deputetët kanë lënë karriget e tyre, ndërsa kryeministri shihet i rrethuar me truproja.
Kjo situatë, vjen pas përleshjes masive me grushta në Kuvendin e Kosovës, ndërkohë që kryeministri Kurti po mbante fjalim, fillimisht, deputetja e PDK-së, Ganimete Musliu e quajti gënjeshtar.
Më pas, njëra prej deputeteve vendosi një fotografi në foltoren e Kuvendit, ku shihej kryeministri me “hundë të zgjatur”, që simbolizon gënjështrën.
Pas disa sekondave, letra u largua dhe u shqye nga zëvendëskryeministri Besnik Bislimi.
Kjo e acaroi deputetin e PDK-së, Mërgim Lushtaku, i cili hodhi ujë nga një shishe në drejtim të zëvendëskryeministrit Bislimi, dhe më pas, përleshja kaloi mes ministrave dhe deputetit Lushtaku.
Në pamjet direkte, shihet se deputetët janë përleshur me grushta, derisa ka ndërhyrë edhe sigurimi i kryeministrit Kurti.
Rrahja masive që ndodhi sot mes ministrave e deputetëve të pushtetit me deputetët e PDK-së nisi teksa kryeministri Albin Kurti po mbante fjalim në seancën e Kuvendit për marrëveshjen për shtensionimin e situatës në veri
Gjatë fjalimit opozita e thërriste “rrenc”.
“Marrëveshja që u bë nuk është marrëveshje për normalizim, është marrëveshje për deeskalim në të cilën ne natyrisht nuk heqim dorë nga zbatimi i ligjit, nga sundimi i ligjit, nga luftimi i krimit të korrupsionit e kontrabandës”
“Por në të njëjtën kohë edhe e kemi shfaqur ndjeshmërinë për rëndësinë e paqes së qëndrueshme, të stabilitetit afatgjatë të sigurisë për të gjithë, e cila nënkupton që të kemi ndjeshmëri që në këto dy javët e fundit nuk ka pasur as protesta të dhunshme, as incidente, as sulme në veri të Kosovës.” – deklaroi Kurti pak para shpërthimit të dhunës në Kuvendin e Kosovës.
Dhuna ka shpërthyer në Kuvendin e Kosovës. Në përleshjen masive fizike që ka ndodhur në Kuvendin e Kosovës u përfshin disa deputetë të opozitës dhe të pushtetit.
Gjatë përleshjes fizike, në videon e Kosova Pressit, mund të shihet qartazi se si Halil Thaçi, deputet i VV-së, ushtron dhunë ndaj deputetes së PDK-së, Blerta Deliu.
Komente
Lajme të tjera
-
Kryetari i Kuvendit të Kosovës bëhet baba për herë të tretë, zbulon emrin e veçantë të vajzës
18 Dhjetor, 13:34 -
Zgjedhjet në Kosovë/ Emigrantët do të votojë në ambasada dhe në konsullata
18 Dhjetor, 13:30 -
Grupi i trafikut të armëve Shqipëri-Kosovë, zbulohen detajet e operacionit! Ja si i bëri Policia blerjet me agjentë të infiltruar dhe roli i taksistit
18 Dhjetor, 13:09
-
Dialogu/ Laçak flet pas takimeve në Bruksel: Të themelohet Asociacioni, Serbia të njohë simbolet e Kosovës
18 Dhjetor, 11:20 -
BE i kërkon Kosovës kthimin e serbëve në institucione, masat hiqen kur të ndërmerren hapa për uljen e tensioneve në Veri
17 Dhjetor, 17:07 -
Hagë/ Haxhi Shala e Sabit Januzi pranojnë akuzën e frikësimit të një dëshmitari
17 Dhjetor, 16:35 -
Prokuroria Speciale synon të thërrasë 3 dëshmitarë kundër Hashim Thaçit dhe 4 të tjerëve
17 Dhjetor, 16:34 -
Kosova dhe Serbia pajtohen për zbatim të plotë të deklaratës për personat e zhdukur
17 Dhjetor, 16:30 -
Kryeministri Kurti: Dokumentimi i krimeve të luftës, detyrim moral dhe historik për të gjitha gjeneratat
17 Dhjetor, 15:30 -
Ali Ahmeti takohet me opozitën në Kosovë: Nuk takohem me Kurtin, sepse s’ka vullnet nga ana e tij!
17 Dhjetor, 14:54 -
Kosova drejt zgjedhjeve të 9 shkurtit/ Deputeti i PDK: I gjithë kabineti i Kurtit në hetim nga Prokuroria Speciale! Diplomati: Vetëvendosja nuk ka kualitet në lista
16 Dhjetor, 19:17 -
Shefi i NATO-s për sulmin në Ibër-Lepenc: Përgjegjësit të sillen para drejtësisë
16 Dhjetor, 18:25
Keta dhoje deputetersh duhete me i shkarku dhe burke. Kriminela injoranta
PërgjigjuSipas te dhenave te deri tanishme ,kur ndodhi rrahja ne parlamentin e kosoves ,A.Kurti ,me trimeri u largue,duke lene nje ere te keqe.Ose i kane shpetue pordhet ose eshte dhier ne breke.
PërgjigjuJu kujtua çizmja Ramazonit hahahaaaa
PërgjigjuPo ky Edi pse po e mbron apo ka hallin e vet se mos ja bejn dhe ati po keshtu.
PërgjigjuTek ne opozita ka marre fund or teeeejjjjj
Ky lumzotnia kryeministri inë ne Tirane reagoi çafasht e menjehere se ka mizën ne kësul siç thote populli dhe te fitoj akoma me shume simpatinë nga "miqte" kosovarë-argatet e Beogradit sa ne Prishtine,Shkup,Tirane dhe CrnaGora qe per gjuhe nene kane shqipen....
Nuk ashte naj qudi gjaku i shqiptarve te verte ashte brezi me serb me turq me grek italjan, dhe per ta shqiptare nuk perparoje
PërgjigjuRrespekte kurti je hero.
PërgjigjuHere se te iq motren ty a pse?
Dy faktore Antishqiptare gezojne e trumbetojne sjelljen e turpeshme ne Kuvendin e Kosoves e keta jane elita nacionaliste ne Pushtet ne Moske dhe Beograd bashke me te KORRUPTUARIT ne [email protected] poshte ka rene Katundi i antishqiptareve te korruptuar dhe realisht kjo eshte gjendja me e mjeruar e theqafës tyre qe po i vjen fundi.....
PërgjigjuJam kurioz te di se cfare trhone serbet ne beograd....ate qe se beri millosevici me lufte e ben Kurti si kryeminister!!! hahahaha shame
PërgjigjuKëta nuk e kanë përgjë të gënjejnë...turp turp.
PërgjigjuNuk behen njerez kurre shqiptaret sunit islamik kurre
PërgjigjuKjo eshte QIVERIA e ndyre e pleres Kurti, Pislimi, Kusari, Gervalla e zgardaballa.
PërgjigjuKurti ti referohet Abazovic si negociator i besueshem per zgjidhjen e konfliktit me serbet
PërgjigjuKeta faqezi ,na turperuan si komb. Qe ngelemi te trashe ne shqiptaret. Albini ma kokeferri ne to. Por me Keto veprime bejme te qeshe bota me ne.
Përgjigju