Kurti: Në fund të vitit do të aplikojmë për statusin e vendit kandidat në BE, kemi mbështetjen e Gjermanisë

Kryeministri Albin Kurti gjatë konferencës së përbashkët me Kancelarin gjerman Olaf Scholz ka njoftuar se në fund të këtij viti Kosova do të aplikojë për statusin e vendit kandidat në BE.

Ai tha se ka marrë mbështetjen e plotë nga Gjermania për anëtarësim në Këshill të Europës.

“Kërkesa jonë  për mbështetje për anëtarësim në Këshill të Europës ka hasur në mirëkuptim të plotë, do të vazhdojmë edhe në aspiratën tonë për aplikim në BE fund të këtij viti”, tha Kurti.

Kurti e ka quajtur vizitë historike ardhjen e Scholz në Kosovë dhe tha se kjo po vjen në një moment vendimtar për rajonin.

Kurti, duke thënë se Gjermania dhe Kosova qëndrojnë të bashkuara nga të njëjtat synime dhe ideale për Europë të lirë që jeton në paqe, përmendi edhe kohën e luftës në Kosovë.

Lajmi kryesor:

Kancelari gjerman Scholz nis vizitën e parë në Ballkan, takohet me Kurtin: Të shkojë përpara dialogu me Serbinë! Kryeministri i Kosovës: Duam Ballkan Europian pa orientime

S.C/Shqiptarja.com

TAG:
• Olaf Scholz
• ballkani perendimor
• BE