POP 5

Lajmet më të lexuara të 5 minutave të fundit

Kosova & Rajoni

Kurti për “Der Standard”: Serbia nuk interesohet për dialog, Perëndimi nuk po na kushton aq rëndësi sa Vuçiç-it

Kryeministri kosovar, Albin Kurti, i cili ka mbërritur në Austri për një vizitë, ka dhënë një intervistë për gazetën e njohur austriake ‘Der Standard’

Kurti për “Der Standard”: Serbia nuk interesohet për dialog, Perëndimi nuk po na kushton aq rëndësi sa Vuçiç-it

Kryeministri i Kosovës Albin Kurti

Kryeministri kosovar, Albin Kurti, i cili ka mbërritur në Austri për një vizitë, ka dhënë një intervistë për gazetën e njohur austriake ‘Der Standard’.

Në këtë intervistë, Kurti thotë se Perëndimi nuk po e trajton siç trajton presidentin serb, Aleksandër Vuçiç.

“Në përgjithësi, nuk ndjej se më trajtojnë njësoj. Perëndimi ka njëfarë frike nga potenciali destabilizues i Serbisë- dhe nga ana tjetër ekziston naiviteti i të menduarit se Serbia mund të detyrohet të kthehet përsëri në Perëndim së shpejti. 

Prandaj, të gjashtë vendet e Ballkanit Perëndimor po bien në një gropë, skajet e së cilës janë aktualisht pritshmëri të ulëta ndaj Vuçiçit, por pritshmëri të larta afatmesme nga ana tjetër. Prandaj, çfarëdo gjëje pozitive që bën Vuçiçi, fryhet,” tha Kurti.

I pyetur për marrëdhëniet e tij me fuqitë perëndimore, ai tha se ato janë shumë të mira.

“Bashkëpunoj ngushtë me SHBA, Gjermaninë, Francën, Italinë, Britaninë e Madhe, BE-në dhe NATO-n. Ne kemi simpati dhe bashkëpunim shumë të madh me administratën aktuale amerikane sesa më atë të mëparshme.

Por që nga fundi i shtatorit 2021, kur MiG-29 u ngritën në kufirin tonë dhe trupat serbe u vendosën aty, situata ka ndryshuar. Mund të debatoj me Serbinë, por kur ambasadori rus në Serbi, Alexander Bocan-Kharchenko, vjen me MiG-29, kjo është diçka tjetër. Kjo është arsyeja pse unë do të doja të shihja më shumë ushtarë të NATO-s këtu në Kosovë”, tha ai.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57