Gjyqtarja e Apelit të Vlorës, Herila Çela për të cilën Ministria e Drejtësisë kërkoi sot shkarkimin ka edhe “precedentë” të tjerë të marrë në të kaluarën. Përveç skandalit të lirimit të Taulant Beqirit të denoncuar në Report Tv, në vitin 2014-të ministri i Drejtësisë në atë kohë, Nasip Naço kishte kërkuar shkarkimin e saj.
Këshilli i Lartë i Drejtësisë dha “vërejtje me paralajmërim për pushim nga puna” për mos zbardhjen e vendimeve gjyqësore në kohë.
Në foto gjyqtarja Herila Çela
Tre vite më vonë, në vitin 2017-të gjyqtarja është denoncuar edhe në emisionin Stop se ka dhënë një vendim të gabuar, për një çështje prone. Në bazë të vendimit të saj shtetasja Liza Lamçaj që akuzonte policin Daut Braçajt se i kishte marrë pa të drejtë një dyqan detyrohej t’i kthente atij 160 mijë euro.
Emri i Herilës përmendet edhe në 2010-ën në rastin e ekstradimit drejt Italisë të Albano Prudentinos, ndonëse në sallën e gjyqit u përball me kundërshtinë e avokatit të tij. Albino Prudentino është i njohur në Shqipëri si një nga krerët e mafies italiane që ka vepruar edhe në vendin tonë. Në seancën gjyqësore kur gjyqtarja Herila mori vendimin për ta ekstraduar, avokati i Prudentinos u shpreh se gjatë gjykimit të Herilës ka shkelje të rënda të të drejtave, ndërsa ekstradimin e cilësoi antiligjor dhe antikushtetues.
Komente
Sa te ket leke krimi Sulo Shehu, do ja hedhi edhe kesaj radhe Herila. Nje here e shpetoj tek Bujar Nishani, kete radhe do i mari leket Ilir meta. cuditet vlora si qendron ne kembe hoteli tek sheshi flamurit ne toke publike dhe si ka mundesi qe ri akoma kjo gjyqtare qe ka manipuluar vendimet per dhendrit e ish bosit te cimentos qe i paguan parate nga dhendri i denuar per vrasje ne spanje
PërgjigjuCna duhet neve kush eshte kjo gjyqtare qe nuk zbaton ligjet te shkarkohet urgjentisht
Përgjigju