Kush janë shtetet pa aeroport
dhe mënyra si mund të arrijmë aty?

Në botë ka disa qytete me 5-6 aeroporte, ndërsa vendet që do ju listojmë më poshtë nuk kanë fare një të tillë.
Kur udhëtoni në ndonjë shtet paksa më të largët, gjëja e parë që e bëni është që të mendoni për udhëtim me aeroplan, në mënyrë që arrini deri atje sa më këndshëm dhe sa më shpejt.

Ekziston vetëm një gjë e cila mund t’ju prishë përjetimet, nëse shteti në të cilin udhëtoni nuk ka aeroport, andaj udhëtimi me avion ju është i pamundshëm. Ekziston një numër i vogël shtetesh të cilat gjenden në këtë listë, mirëpo edhe disa shumë të popullarizuara ndër to.

1. Vatikani, si një zonë me 109 hektarë, e vendosur në mes të Romës, nuk ka aeroportin e vet. Vizitorët mund të arrijnë lehtë atje nëpërmjet kryeqytetit italian.

LEXO EDHE:
Sali Berisha thyen sërish masën e 'arrestit shtëpiak', pret në banesë ish-kryeministrin turk, Ahmet Davutoglu

2. Ngjashëm, San Marino është gjithashtu i rrethuar nga toka italiane. Vendi i pestë më i vogël në botë, ka rreth 33,000 banorë dhe është vetëm nëntë milje nga Aeroporti Ndërkombëtar Federico Fellini në Rimini të Italisë.

3. Për të vizituar Monakon,vendi i dytë më i vogël në botë pas Vatikanit, duhet të kaloni përmes Aeroportit Ndërkombëtar të Nice-Francë, që është vetëm 25 minuta udhëtim deri në Monaco, vend ky që ka vetëm 38,500 banorë. Është interesante se vendet e treta dhe të katërt më të vogla, Nauru dhe Tuvalu , kanë aeroportet e tyre, ndërsa e pesta dhe e gjashta nuk kanë.

4. Ne përmendëm tashmë San Marinon, ndërsa për të shkuar në Lichtenstajn, do të duhet të kaloni shfrytëzoni aeroportin e Zvicrës, St Gallen-Altenhrein, 24 milje larg kryqytetit.

5. Po ashtu aeroport nuk ka as Andora. Vend ky që mjafton vetëm 25 milje ta ngasësh makinën për ta parë nga njëri cep në tjetrin. I shtrirë në një luginë të vargmaleve Pirinej, nënkupton që ndërtimi i një piste të aeroportit do të ishte e vështirë, kështu që vizitorët mund të arrijnë përmes Spanjës apo Francës. Opsioni më i afërt për kryeqytetin e Andorës është Aeroporti Girona-Costa Brava në Spanjë.

6. Nuk ka udhëtim direkt as për Palestinë, por Aeroporti Ndërkombëtar i Ben Gurionit në Izrael është vetëm 15.5 km larg nga Betlehemi.

e.gj/Shqiptarja.com

Sondazhi i ditës:

A duhet të lejohet mjeku të punojë njëkohësisht në spital publik e privat?

• Po

  12.1%

• Jo

  83.7%

• Nuk e di

  4.2%

Vota total: 2174

Votat totale janë unike

• Sondazhi i ditës:

  A duhet të lejohet mjeku të punojë njëkohësisht në spital publik e privat?

  Po Jo Nuk e di