POP 5

Lajmet më të lexuara të 5 minutave të fundit

Kronikë

Kushtetuesja kundër Nishanit
për KLD-në, zbardhet vendimi
PDF/Vendimi i Gjykatës Kushtetuese

A1 Report ka arritur që të zbardhë vendimin e plotë të Gjykatës Kushtetuese, ku rrëzohen kërkesa e Presidentit Bujar Nishani, për pezullimin e ligjit për zgjedhjen e nënkryetarit të KLD. Gjykata argumenton se që nga krijimi i tij, nënkryetari i KLD është zgjedhur mes 3 anëtarëve të propozuar nga Kuvendi, dhe për këtë arsye ligji i miratuar nga qeveria nuk bie ndesh me kushtetutën.  VIDEO
TIRANË - A1 Report ka arritur që të zbardhë vendimin e plotë të Gjykatës Kushtetuese, ku rrëzohen kërkesa e Presidentit Bujar Nishani, për pezullimin e ligjit për zgjedhjen e nënkryetarit të KLD.

Gjykata argumenton se që nga krijimi i tij, nënkryetari i KLD është zgjedhur mes 3 anëtarëve të propozuar nga Kuvendi, dhe për këtë arsye ligji i miratuar nga qeveria nuk bie ndesh me kushtetutën.
 
6 muaj pasi gjykata kushtetuese ka rrezuar kërkesën e presidentit Bujar Nishani ku kërkonte pezullimin e efekteve të ligjit për këshillin e lartë të Drejtësisë, A1 Report, ka arritur të zbardhë vendimin e plotë të kushtetueses që ka 39 faqe në total.
 
Gjykata arsyeton se që nga krijimi e deri më tani, nënkryetari i Këshillit të Lartë të Drejtësisë, është zgjedhur 1 nga anëtarët e propozuar nga kuvendi i Shqipërisë. Dhe për këtë arsye u vendos që kërkesa e presidentit Bujar Nishani të rrëzohet. Në pikën 39 të argumenteve ligjeve Kushtetuesja shkruan:
Gjykata nuk sheh asnjë shkak për të ndryshuar praktikën e saj të mëparshme lidhur me këtë çështje, pasi nuk ndodhet para rrethanave të ndryshme ligjore ose faktike. Gjithashtu, ajo mban parasysh se edhe praktika e KLD-së, që prej krijimit të tij, tregon se zëvendëskryetari i KLD-së është caktuar gjithmonë nga rradhët e anëtarëve të zgjedhur prej Kuvendit. Nisur nga këto premisa, Gjykata çmon se nisur nga pamundësia që funksionarët të mbajnë dy funksione me kohë të plotë njëherazi, rrjedh përfundimi se kandidatë potencialë për t’u zgjedhur në detyrën e zëvendëskryetarit të KLD-së janë vetëm 3 (tre) anëtarët e zgjedhur nga Kuvendi.
1-Nga sa më lart, Gjykata vlerëson se zgjedhja e zëvendëskryetarit të KLD-së vetëm nga radhët e anëtarëve të zgjedhur nga Kuvendi, nuk bie ndesh me nenin 116 dhe nenin 147/3 të Kushtetutës.
 
Pas shkarkimit nga Kuvendi të dy anëtarëve të KLD-së, Lulzim Lelçaj dhe nënkryetarit Elvis Çefa, Këshilli i lartë i Drejtësisë, duhet të zgjedhë nënkryetarin. Burime për A1 Report sqarojnë se me shumë gjasa pritet të zgjidhet Sokol Como.

PDF-( Vendimi i plotë i Gjykatës Kushtetuese )

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi