POP 5

Lajmet më të lexuara të 5 minutave të fundit

Kronikë

Kushtetuesja rrëzon PD-në për
Zana Xhukën: Kuvendi veproi "OK"

Gjykata Kushtetuese ka rrëzuar pretendimin e Partisë Demokratike se shkarkimi i ish-kryetares së ILDKPI-së Zana Xhuka ishte i paligjshëm. Më një vendim të formës së prerës të publikuar ditën e sotme, Kushtetuesja argumenton se shkarkimi i zonjës Xhuka ishte brenda kuadrit ligjor. VIDEO
TIRANE Gjykata Kushtetuese rrëzoi kërkesën e Partisë Demokratike për të shpallur të paflefshëm vendimin e parlamentit që shkarkoi Zana Xhukën nga kreu i Inspektoriatit të Lartë të Kontrollit dhe Deklarimit të Pasurisë.

Shkarkimi i ish-kryetares së ILDKPI-së Zana Gjuka, ishte i ligjshëm dhe brenda kuardrit kushtetues. Është ky vendimi i gjykatës kushteteuse, që ditën e sotme ka rrëzuar në formën përmundimtare, kërkesën e Partisë Demokratike për të shpallur të pavlefshëm vendimin e parlamentit që shkarkoi Zana Xhukën nga kreu i Inspektoriatit të Lartë të Kontrollit dhe Deklarimit të Pasurisë.
 
Vendimi i Gjykatës është bërë publikuar në faqen zyrtare të institucionit më të rëndësishëm gjyqsor, por pa specifikuar edhe arsyet ligjore, që priten të jepen në një moment tjetër kohor.
 
Një grup deputetësh të Partisë Demokratike kërkuan nga Gjykata Kushtetuese, që seanca e 20 Shkurtit të vitit 2014 ku u vendos shkarkimi nga detyra i Zana Xhukës, të shpallej i pavlefshëm pasi sipas tyre ishte thirrur në kundërshtim me Rregulloren, dhe po ashtu edhe zgjedhja e Shkëlqim Ganajt, si kreu i ri këtij Inspektoriati.
 
Sakaq, për të kundërshtuar vendimin e shkarkimit të Zana Xhukës, Gjykatës Kushtetuese i ishte drejtuar edhe presidenti Bujar Nishani, me argumentin se parlamenti ndërhyri në kompetencat e kreut të shtetit. Me një vendim të 30 korrikut, Kushtetuesja vendosi të refuzojë edhe kërkesën për shqyrtimin e kërkesës për interpretim të ardhur nga presidenti Bujar Nishanit.


Vendimi i Gjykates Kushtetuese
 
Gjykata Kushtetuese e Republikës së Shqipërisë, sot me datën 24.09.2014, shqyrtoi çështjen me palë:

Kërkues: Një Grup Deputetësh të Kuvendit të Shqipërisë, jo më pak se 1/5 e anëtarëve të Kuvendit.

Subjekte të Interesuara:  Kuvendi i Shqipërisë.

Objekt:  1. Interpretimi i neneve 65/1 dhe 78/2 të Kushtetutës.
2. Konstatimi i pavlefshmërisë së mbledhjes së përgjithshme të deputetëve (seancës plenare) të datës 20.02.2014 të thirrur në kundërshtim me Rregulloren e Kuvendit dhe në shkelje të rregullave procedurale që garantojnë një proces të reegullt ligjor, lidhur me këto çështje: 
a) vendimin e Kuvendit nr.12/2014 “Për shpalljen si të pavlefshëm të vendimit nr.1/2013 të Kuvendit “Për zgjedhjen e Inspektorit të Përgjithshëm të Inspektoratit të Lartë të Deklarimit dhe Kontrollit të Pasurive”;
b) vendimin e Kuvendit nr.13/2014 “Për mosmiratimin e propozimit të Presidentit të Republikës me Dekretin nr.7928, datë 16.1.2013 “Për zgjedhjen e Inspektorit të Përgjithshëm të Inspektoratit të Lartë të Deklarimit dhe Kontrollit të Pasurive”;
c) vendimin e Kuvendit nr.14/2014 “Për zgjedhjen e Inspektorait të Përgjithshëm të Inspektoratit të Lartë të Deklarimit dhe Kontrollit të Pasurive”.
Bazuar në nenin 131 dhe 134 të Kushetutës së Republikës së Shqipërisë dhe ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese”,
 
 
VENDOSI:

1. Njëzëri, rrëzimin e kërkesës për interpretimin e nenit 65/1 të Kushtetutës dhe kërkesës për konstatimin e pavlefshmërisë së mbledhjes së përgjithshme të deputetëve, të datës, 20.02.2014, që lidhet me këto cështje
a) Vendimi Nr. 12/20014 “Për shpalljen si të pavlefshëm të vendimit Nr. 1/2013”, “Për zgjedhejn e Inspektorit të Përgjithshëm të Inspektoriatit të Lartë të Deklarimit dhe Kontrollit të Pasurive”,
b) Vendimi Nr. 13/2014, Për mosmiratimin e Dekretit te Presidentit te Republikës, Nr 7928, datë, 16.01.2013, “Për zgjedhjen e Inspektorit të Përgjithshëm të Inspektoriatit të Lartë të Deklarimit dhe Kontrollit te Pasurive” dhe
c) Vendimi Nr. 14/2014 “Per zgjedhjen e Inspektorit te Pergjithshem te Inspektoriatit te Larte te Deklarimit dhe Kontrollit te Pasurive”.

2. Me shumicë votash, rrëzimin e kërkesës për interpretimin e nenit 78/2 të Kushtetutës.

Redaksia Online
(Shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

28 Janar, 22:00 nga Danjela Maloku