Kushtetuesja vendos të mos
shqyrtojë mandatin e Leskajt
PDF/Vendimi i Gjykatës për mandatin

Gjykata Kushtetuese vendosi të mos marrë në shqyrtim kërkesën për papajtueshmërinë e mandatit të deputetes Valentina Leskaj.

Sipas vendimit të Kolegjit të Gjykatës, neni me të cilën PD e më pas Kuvendi kërkoi ndërprerjen e mandatit të Leskaj, i referohet rasteve të përfitimit të pasurive nga familjarët e deputetëve.

Opozita mbështeste pretendimin e saj mbi faktin se djali i ligjvënëses ka fituar një kontratë koncensionare në hekurudhën shqiptare në linjën Fier – Ballsh dhe Fier – Vlorë.

Ndërsa gjykata kushtetuese, sipas ligjit themeltar të shtetit mund të vihet në lëvizje për heqjen e mandateve vetëm kur deputetët janë përfitues në vetë të parë të pasurive publike ose lidhjen e kontratave.

Për raste të tjera, theksohet në vendim, gjykata nuk ka juridiksion të veprojë.

Për këtë arsye Kolegji vendosi të mos e marrë fare në shqyrtim ankimin.
 










(Report TV zbardh vendimin e Gjykates per Leskajn)

Redaksia online
(s.m/shqiptarja.com)