POP 5

Lajmet më të lexuara të 5 minutave të fundit

Politikë

Kuvend/ Debate për shpërblimin e ish-të burgosurve politikë! Açka: E djathta nuk bëri sa duhet për viktimat e komunizmit! Gjylameti: Trajtimi i ish-të burgosurve, faqja e zezë e PD

Në Komisionin e Edukimit, deputetët u përfshinë në debate për dëmshpërblimin e ish-të përndjekurve politikë. Deputetja socialiste Blerina Gjylameti tha se dëmshpërblimi i kësaj shtrese, ishte faqja e zezë e qeverisjes së djathtë, gjë që e pranoi edhe deputetja demokrate Flutura Açka

Nuk kaloi pa debate mbledhja e Komisionit për Edukimin dhe Mjetet e Informimit Publik, ku deputetët e PS dhe PD replikuan për dëmshpërblimin e ish-të përndjekurve nga regjimi komunist.

Deputetja socialiste Blerina Gjylameti tha se qeveria i ka kushtuar vëmendjen e duhur kësaj shtrese, ndryshe nga e djathta që i la për faqe të zezë.

‘Kështu si e keni nisur, dëmshpërblimin e bëni në 2054!’- tha Kastriot Piroli.

Blerina Gjylameti Politikë me jetën e njerëzve nuk bëhet, deri në 2013 dëmshpërblimi ishte për faqe të zezë. Pd mund të kishte bërë më tepër.

Që e djathta nuk ka bërë sa duhet për krimet e komunizmit e pranoi edhe vetë deputetja e opozitës Flutura Açka. 

“E djathta me ardhjen në pushtet nuk i vuri pikat mbi I”- tha Açka.

Kundër, Açka u shpreh për nismën për ndërtimin e muzeut në fshatin fshatin Reps të Mirditës. Ajo tha se muzeu për krimet e komunizmit duhet të ndërtohet në ish-burgun e Spaçit.

‘Do bëhet një shtëpi muze në Reps, jo në Spaç, janë gjëra të rënda, duhet të jemi shumë të kujdesshëm’- u shoreh Açka.

Komisioni për Edukimin dhe Mjetet e Informimit miratoi një rezolutë për Institutin e Studimeve për Krimet dhe Pasojat e Komunizmit, ku i kërkon ndër të tjera, më shumë bashkëpunim me autoritetin e dosjeve për pasurimin e të dhënave për viktimat e komunizmit.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Censi 2023, popullsia u tkurr me 419 mijë në 12 vite, cili është shkaku?

Lajme të tjera



×

Lajmi i fundit

Veliaj: Do rikthejmë Kavajën në PS! Ata që digjnin gjithë Shqipërinë, sot djegin njëri-tjetrin

Veliaj: Do rikthejmë Kavajën në PS! Ata që digjnin gjithë Shqipërinë, sot djegin njëri-tjetrin

30 Qershor, 12:26