POP 5

Lajmet më të lexuara të 5 minutave të fundit

Politikë

Kuvend, ministrja Manastirliu: Pijet energjike rrezik për fëmijët, shkaktojnë çrregullime

Duke ju referuar të dhënave të fundit që tregojnë ndikimin e konsumimit të këtyre pijeve tek shëndeti i fëmijëve dhe adoleshentëve, Ministrja Manastirliu shprehu mbështetjen pa rezerva të Ministrisë së Shëndetësisë dhe Mbrojtjes Sociale për kontrollin e ndalimit të konsumimit të pijeve energjike. 

TIRANË- Ministrja e Shëndetësisë dhe Mbrojtjes Sociale, Ogerta Manastirliu mbështeti nismën e deputetit Braçe për ndalimin e pijeve energjike për fëmijët.  “Ky ndryshim ligjor është i domosdoshëm për mbrojtjen dhe mirërritjen e fëmijëve, është një nismë që do t’ju shërbejë gjeneratave të ardhshme, për të patur një popullatë sa më të shëndetshme”, u shpreh në fjalën e saj, Ministrja e Shëndetësisë dhe Mbrojtjes Sociale, Ogerta Manastirliu.

Duke ju referuar të dhënave të fundit që tregojnë ndikimin e konsumimit të këtyre pijeve tek shëndeti i fëmijëve dhe adoleshentëve, Ministrja Manastirliu shprehu mbështetjen pa rezerva të Ministrisë së Shëndetësisë dhe Mbrojtjes Sociale për kontrollin e ndalimit të konsumimit të pijeve energjike me përmbajtje të lartë të kafeinës dhe pijeve e gazuara që përmbajnë sheqer nga të miturit. “Nuk është një sfidë e lehtë, por ne do të vëmë në dispozicion të gjithë burimet tona për të ushtruar kontrolle të vazhdueshme në të gjithë vendin, me qëllim minimizimin, deri në ndalimin e përdorimit të alkoolit, pijeve energjike dhe pijeve të gazuara nga të miturit”, tha Manastirliu.

"Pasojat e konsumimit të pijeve energjike dhe pijeve të gazuara me sheqer kanë ndikim të drejtpërdrejtë tek mirërritja e fëmijëve. Sipas ekspertëve të shëndetit publik, në veçanti, tek fëmijët dhe adoleshentët, pijet energjike mund të shkaktojnë çrregullime të rrahjeve (ritmit) të zemrës. Fëmijët, veçanërisht ato me sëmundje kardiovaskulare, renale ose të mëlçisë, me epilepsi, diabet, mungesë humori dhe çrregullime të sjelljes, me hypertiroidizëm ose ata që marrin medikamente të caktuara, mund të jenë në rrezik më të lartë për ngjarjet e padëshiruara nga konsumimi i pijeve energjike.

Po ashtu, ekziston evidencë e bollshme shkencore lidhur me efektet negative të pijeve me sheqer tek fëmijët dhe adoleshentët. Kështu, shumica e studimeve raportojnë lidhje të fortë midis konsumit të pijeve me sheqer dhe rrezikut të obezitetit, rezistencës ndaj insulinës, pra rritje të rrezikut për zhvillimin e diabetit tek fëmijët dhe adoleshentët” deklaroi ajo.  Ndërsa ish-ministri i Shëndetësisë, Ilir Beqaj tha se fëmijët nuk duhet të konsumojnë pije energjike, por "fruta, të cilat Shqipëria i ka me bollëk". 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Zelensky: Nuk kemi forca për të rimarrë Krimenë dhe Donbasin! Rusia: Të hapur ndaj propozimeve nga i dërguari i Trump

Zelensky: Nuk kemi forca për të rimarrë Krimenë dhe Donbasin! Rusia: Të hapur ndaj propozimeve nga i dërguari i Trump

18 Dhjetor, 17:12