Kuvendi i Maqedonisë votoi sot me 67 vota pro draft-amendamentin për ndryshimin e emrit. Në amendamentin e parë parashikohet që në Kushtetutë fjalët "Republika e Maqedonisë" të zëvendësohet me fjalët "Republika e Maqedonisë së Veriut".
Në draftin e dorëzuar nga Qeveria e Maqedonisë theksohet se “qëllimi i këtyre ndryshimeve kushtetuese është implementimi i Marrëveshjes me Greqinë, e cila duhet të mundësojë integrim të Republikës së Maqedonisë në Bashkimin Evropian dhe NATO”.
Ky vendim ka shkaktuar revoltë ndaj një pjese të deputetëve të parlamentit maqedonas. Një prej tyre, Dafina Stojanovska, deputetja e VMRO DPMNE u shpreh për marrëveshjen në fjalë se është akt i ndërmarrë që do ta fshijë luftën e maqedonasve për shtetin e tyre.
"Kjo Qeveri nënshkroi dhe u pajtua që ne të kemi formulim të ri, emërtim të ri dhe formim të ri si popull. Popull pa histori. Ja, kjo është ajo që fshihet pas ndryshimeve Kushtetuese, dhe pas kësaj marrëveshjeje të turpshme. Amandamenti 33 do ta fshijë luftën e maqedonasve për shtetin e tyre sepse po shkruani histori të re. Nuk ka histori të re, historia është vazhdimësi ajo është e shkruar dhe shkruhet. Ndërsa ju në të do të jemi turpi më i madh i Maqedonisë”. – tha Dafina Stojanovska, deputetja e VMRO DPMNE, citon "Alsat".
Nga ana tjetër, ministri i Jashtëm Nikolla Dimitrov siguroi se përmes zbatimit të marrëveshjes Maqedonia vetëm sa përfiton prej saj.
"Ju nuk mundët të siguronit as gjuhë maqedonase me atë politikën tuaj, por as identitetin maqedonas nuk mundët ta ruani. Nëse ne flasim gjuhën maqedonase sipas marrëveshjes, çfarë është ajo që ju pengon..më vjen turp t'ju dëgjoj”. – theksoi Nikolla Dimitrov, Ministër i Punëve të Jashtme.
Pas shumë debateve, qeveria e Maqedonisë ia doli që më 19 tetor të miratojë nismën për ndryshimet kushtetuese që i hapnin rrugë ndryshimit të emrit "Republika e Maqedonisë". Nisma u miratua me 80 vota pro dhe 39 kundër.
Shumica qeverisëse nuk i kishte votat e mjaftueshme, por rrjedhja nga opozita solli miratimin e marrëveshjes me Greqinë. Tetë ishin deputetët e VMRO DPMNE-së që votuan pro ndryshimeve kushtetuese: Vlladanka Aviroviq, Sashe Vasilevski, Elizabeta Kançevska-MIlevska, Kërste Mukovski, Emilija Aleksandrova, Ljuben Arnaudov, Nola Ismailovska dhe Zeqir Rançilloviç. (Lexo këtu)
Miratimi i vendimit me 80 vota pro i propozimit të qeverisë maqedonase për ndryshime kushtetuese, në Parlamentin e Maqedonisë, u prit me entuziazëm edhe nga ndërkombëtarët.(Lexo këtu)
Lajme të tjera
-
Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille
27 Nëntor, 22:55 -
DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr
27 Nëntor, 22:46 -
Spahiu: Meqë Berisha kërkon qeveri teknike me PS, uroj që Rama ta bëj ministër 4 vite
27 Nëntor, 22:41 -
Spahiu: Lirimi i Berishës nuk është vendim pafajësie por thjesht masë sigurie
27 Nëntor, 22:38 -
Po tani, ka drejtësi zoti Berisha ?
27 Nëntor, 22:37
-
Kërkesa e opozitës për qeveri teknike, Alimehmeti në 'Repoltix': Duhet vullnet politikë nga PD dhe PS! Zarat janë hedhur! Faik Basha: E nevojshme
27 Nëntor, 22:25 -
Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin
27 Nëntor, 22:19 -
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion
27 Nëntor, 21:56 -
Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi
27 Nëntor, 21:51
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Prag feste, Rama ndan fotoalbumin e fëmijëve veshur kuqezi
27 Nëntor, 21:35
