POP 5

Lajmet më të lexuara të 5 minutave të fundit

Ekonomi

Kuvendi rrëzoi dekretin e Metës për 'Lojërat e Fatit', Presidenca: S'kishim njoftim për shqyrtimin e ligjit

Në një reagim për Report Tv lidhur me mungesën e përfaqësuesve të Presidencës gjatë shqyrtimit të dekretit te Ekonomia, Tedi Blushi, zëdhënësi i presidentit Ilir Meta u shpreh se Presidenca nuk ishte njoftuar nga Kuvendi. 
Kuvendi rrëzoi dekretin e Metës për 'Lojërat e Fatit', Presidenca: S'kishim njoftim për shqyrtimin e ligjit

Presidenti Ilir Meta

Komisioni Parlamentar i Ekonomisë dhe Financave rrëzoi sot dekretin e Presidentit Ilir Meta i cili më herët riktheu për rishqyrtim në Kuvend ligjin për "Lojërat e Fatit".

Në një reagim për Report Tv lidhur me mungesën e përfaqësuesve të Presidencës gjatë shqyrtimit të dekretit te Ekonomia, Tedi Blushi, zëdhënësi i presidentit Ilir Meta u shpreh se Presidenca nuk ishte njoftuar nga Kuvendi për shqyrtimin e ligjit. 

Institucioni i Presidentit nuk ka patur asnjë njoftim apo ftesë për këtë shqyrtim. Institucioni i Presidentit nuk i lëviz asnjë presje qëndrimit për këtë çështje, të bërë edhe publik. 

Tedi Blushi, zëdhënësi i presidentit Ilir Meta


Presidenti Meta riktheu në 31 korrik për shqyrtim në Kuvend ligjin nr.39/2018, “Për disa ndryshime dhe shtesa në ligjin nr. 8438, datë 28.12.1998, “Për tatimin mbi të ardhurat’, i ndryshuar", me qëllim rishikimin e nenit 6 të këtij ligji që lehtëson barrën fiskale të bizneseve që ushtrojnë aktivitetin e tyre në fushat e lojrave të fatit.

Në arsyetimet te kreut të shtetit theksohej se mbështetja e bizneseve në fushën e lojërave të fatit për gjithë kategoritë e tyre, përbën pengesë serioze për zhvillimin e qëndrueshëm ekonomik dhe social, ndërsa ka efekt negativ në buxhet. Ligji synon uljen e barrës fiskale përkundrejt bizneseve të lojërave të fatit dhe sipas Presidentit nuk është vlerësuar në mënyrë të thelluar nga qeveria dhe Kuvendi. 

Gjatë diskutimeve sot te Komisioni i Ekonomisë, ministri Arben Ahmetaj tha se presidenti Meta është këshilluar gabim. Sipas tij, nuk ka asnjë ndryshim në ligjin e lojërave të fatit, përveçse do të taksohet me 15%, edhe Lotaria Kombëtare, një koncesion i Berishës, siç e quajti ai. 

Tarifa fiskale mbi lojërat e fatit mbetet 15%, por me ligjin e ri parashikohej mbi fitimet bruto dhe jo mbi të ardhurat bruto. Aktualisht aktiviteti i lojërave të fatit nuk tatohet me tatim mbi vlerën e shtuar i cili është në masën 20% për shumicën dërrmuese të produkteve dhe shërbimeve, por me tatim mbi xhiron në masën 15%. 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Rama pret rabinin izraelit në Vlorë: Së shpejti nisim punën për ndërtimin e muzeut hebraik

Rama pret rabinin izraelit në Vlorë: Së shpejti nisim punën për ndërtimin e muzeut hebraik

6 Janar, 23:10