PD përsërit skenarin: Përplasje e flakë në Kuvend! S’lejon socialistët të hyjnë! Noka sërish me benzinë në Parlament, i vë flakën manekinëve! PS voton ligjet!(VIDEO)

Ish-deputeti i Partisë Demokratike, Evin Salianji ka reaguar nga burgu i Fierit pas situatës së krijuar në Kuvend me kaosin e opozitarëve, menjëherë pas dënimit të tij me 1 vit burg për kallëzim të rremë në dosjen Babale. Në një letër dërguar avokatit të tij mbrojtës, Ledio Braho, Salianji shkruan se socialistët po sillen si viktima.

Më tej, ai e akuzon qeverinë se përdor institucionet për të fshikulluar dhe hequr lirinë dhe asgjësuar të drejtat.

“Shfaqja e agresorëve si viktima, e dhunuesve si të dhunuar, e abuzuesve si të prekur nga prekja e pronës publike është hipokrizi neveritëse. Njësoj siç vjedhin dhe përgjegjësinë e mbajnë denoncuesit, siç shkretojnë dhe shkatërrojnë, siç e ndajnë Shqipërinë si plaçkë lufte për bandat dhe mes bandave, siç përndjekin administratën, shkatërrojnë meritokracine, sot po përpiqen të sillen si viktima.

Dhuna dhe brutaliteti më i madh është eliminimi i kundërshtarit politik duke asgjësuar dhe nënshtruar institucionet. Duke përdorur institucionet, si komisionet e partisë, për të fshikulluar dhe hequr lirinë dhe asgjësuar të drejtat.

Krimi më i madh është shkatërrimi i demokracisë, shtetit të së drejtës dhe sundimit të ligjit.  Pas vrasjes, burgosja politike është forma më e rëndë dhe më brutale e dhunës. Opozita po mbrohet dhe po mbron demokracinë dhe interesin publik”, shkruhet në letër.

PDIU i ka dhënë legjitimitet seancës plenare të zhvilluar ditën e sotme, ndonëse deputetët demokratë bënë dy orë përleshje për të penguar punimet.

Pavarësisht se grupi i PD rrethoi hyrjet e Kuvendit dhe u përplas verbalisht e fizikisht me gardën e socialsitët, duket se dy deputetët e PDIU, Nusret Avdulla dhe Gëzim Ademaj i kanë shpëtuar ‘rrethimit’ dhe janë futur në sallë.

Me prezencën e tyre është arritur legjitimiteti, 71 deputetë të mjaftueshëm për të zhvilluar senacën plenare. Në sallë ishin vetëm 69 deputetë të mazhorancës.

Votimi për pjesëmarrjen në seancën plenare të 3 shtatorit 2024

Ministri i Finanacave, Petrit Malaj ka reaguar pas skenarit të opozitës në Kuvend, ku tentuan të pengojën socialisitët të futen në sallën plenare. Malaj shkruan se ngjarja e ndodhur sot është një një situatë e paprecedentë dhe një cenim i demokracisë.

“Ngjarja e ndodhur sot në hyrje të Kuvendit të Shqipërisë është një situatë e paprecedentë, një cënim i rrezikshëm i demokracisë dhe vlerave të qytetarisë, që duhet të prevalojnë mbi të gjithë ne. Si Ministër i Financave, jam mandatuar për të zbatuar me rigorozitet Kushtetutën, për të punuar me ndershmëri dhe profesionalizëm për mirëqenien e të gjithë qytetarëve pa dallim partiak dhe prosperitetin e vendit.

Dënoj sot dhunën e shkaktuar nga një grusht deputetësh të opozitës dhe dhunën në çdo formë të saj.

Shqipëria po përgatitet të çelë me Bashkimin Europian negociatat mbi kapitujt “Themelorë”, ndaj kjo situatë e papranueshme, nuk bën gjë tjetër veçse cënon drejtëpërdrejt imazhin e vendit dhe këtë më shumë se kushdo duhet ta kuptojë Opozita. Sot, është koha që të gjithë bashkë të punojmë për të ardhmen e vendit, për të ardhmen e fëmijëve tanë”, shkruan Malaj.

Noka dhe disa deputetë të tjerë demokratë u përplasën me Gardën dh etentuan që mos të lejojnë Malajn të futej në Kuvend.

Deputetët e përjashtuar të PD, së bashku me kolegët e tyre, bllokuan hyrjet e parlamentit pasi garda i ndalonte të hyjnë ata pas vendimit të sekretariatit etik të Parlamentit. Përplasjet u përshkallëzuan deri në konfrontime fizike mes deputetëve të të dy kampeve politike. Një moment ka qenë dhe përplasja e deputetit socialist Frrok Gjini me deputetët e PD-së, Flamur Noka dhe Asllan Dogjani të cilët nuk po e lejonin të hynte brenda.

Flamur Noka: Kur të hyjmë ne pastaj!

Frrok Gjini: Mua mos më prek me dorë se bën gabim

Flamur Noka: Ik tani Frrok ik

Frrok Gjini: Mua të mos më prekë me dorë cilido qoftë se bën gabim

Për kokë të fëmijëve nuk ka bir k… të më ndalojë mua të hyj brenda o I vdekun o I gjallë, futem në parlament unë.

Flamur Noka: Kam një orë këtu
Asllan Dogjani: Ore ti mos më prek mua se kam një orë këtu.  Unë do të hyj përpara ti pas meje

Frrok Gjini: Mos më prek me dorë. Ik se të degjeneroj grunë! Ik

Asllan Dogjani: Ti? Hajde provoje

Frrok Gjini: Hajde provojë
Flamur Noka: Hajde me mu të dalim.

Frrok Gjini: Mos më prek me dorë.
Flamur Noka: Kam dy orë këtu

Frrok Gjini: Nuk shkon kjo të iki unë. Nuk kthehem pas.
 Të …  (Ofendon)

Pas mbarimit të seancës plenare në Kuvend dhe aksionit të opozitës jashtë saj, menjëherë në oborrin e parlamentit kanë mbërritur ekspertët e kriminalistikës së policisë së shtetit.

Ata po këqyrin vendin ku iu zjarri manekinave prej deputetit Noka përpara hyrjes kryesore.

Gjatë aksionit të sotëm deputetët vendosën 4 manekina me fytyrat e kryeministrit Rama, vëllait të tij Olsi, Fatmir Xhafajt dhe Geron Xhafajt e më pas Flamur Noka i hodhi benzinë dhe i vuri flakën.

Në 27 minuta seancë plenare ditën e sotme ishin të pranishëm 71 deputetë, të cilët arritën të futeshin në sallë, pavarësisht aksionit të opozitës për ti penguar.

Ndërkohë u miratua një marrëveshje me Gjermaninë për përballimin e ndryshimeve klimatike.

Sakaq, dështoi zgjedhje e 2 anëtarëve nga Shoqëria Civile për KLGJ dhe KLP.

Kreu i grupit parlamentar socialist, Niko Peleshi ndryshoi krerët e grupeve të miqësisë.

Ilir Pendavinji zgjidhet si kryetar i grupit me Greqinë; Eslemvera Zake me Azerbajxhanin; Etjen Xhafaj me Katarin.

Kryetarja e Kuvendit, znj. Elisa Spiropali, shpreh mirënjohjen për punonjësit e Gardës së Republikës të cilët zbatuan urdhrin e sekretariatit të etikës që përjashtoi deputetët e PD-së për shkak të dhunës dhe kaosit të shkaktuar në seancën e 30 shtatorit.

“Padiskutim që deputetët që nuk janë dënuar, duhet të jenë në sallë dhe ata  që i pengojnë bëjnë një akt shumë të rëndë, jo vetëm ndaj tyre, por dhe ndaj Gardës së Republikës për të cilën kërkoj të gjithë mirënjohjen tonë dhe të publikut, që bënë një detyrë shumë  të vështirë dhe përballet me shumë sulme, me shumë fyerje  të pamerituara . Të gjithë ata janë baballarë, të gjithë ata janë vëllezër, janë bij dhe nuk meritojnë të  trajtohen në atë formë” tha Spiropali.

Ministri i Shtetit për Marrëdhënien me Parlamentin, Taulant Balla foli për gazetarët pas mbylljes së seancës së sotme plenare. Balla komentoi aksionin e deputetëve të PD-së jashtë sallës, ku u përleshën me gardën dhe me deputetët e PS-së.

Ai thekson se është një përsëritje e marrëzive të kaluara të opozitës dhe ndodh në një moment historik kur Shqipëria po bëhet gati për tu anëtarësuar në BE.

'Pjesa më e madhe, e njoh, nuk është situatë që ndodh për herë të parë. Është bërë dhe çdo vjeshtë, edhe para 1 viti ishte e njëjta situatë.  Sa herë që Shqipëria ndodhet në një moment të rëndësishëm të rrugëtimit të vetë drejt BE-së, kemi konferencën e dytë qeveritare mes Shqipërisë dhe BE që hap kapitujt e anëtarësimit të vendit. Kush mendon se kjo sjellje ka të bëjë me një vendim të caktuar gjykate e ka gabim. Kush mendon ti marrë shqiptarët për budallenj e ka gabim. Një situatë që e kemi parë shpesh.

Kush mendon të përsërisi të njëjtin marrëzinë dhe të presi rezultat të ndryshëm është budalla thotë Anjshtanji. Dhuna nuk ka vend në demokraci. Nëse do isha deputet i opozitës do  e përdorja këtë nder duke folur ne emër të popullit. Në demokraci pushtetet janë të ndara, legjislativi, ekzekutivi, gjyqësori. PS nuk komenton vendimet e gjyqësorit. Është ndryshe të komentosh një fenomen dhe ndryshe një vendim gjykate. Ai fenomen duhet të marri fund. Kur vendimet e gjykatave bien në kundërshtim me njëra tjetrën kemi një autoritet mbi palët Venecian.'

Në mbyllje të seancës së sotme, deputeti socialist Erion Braçe u shpreh për gazetarët se PS kur ka qenë në opozitë nuk ka marrë kurrë benzinë me vete në Kuvend.

'Për ata nuk përgjigjem. Kanë tjetër shef ata. S’behëm dot shefi i tyre. E keni fjalën për Metën që hypi. Keni parë ndonjë herë të hymë me benzinë në parlament.
Aty shahet nga mëngjesi në darkë. Te klubi jo te klubi jo, puthen të gjithë aty', tha Braçe. 

Gazment Bardhi foli për mediat në mbarim të aksionit të sotëm të opozitës jashtë Kuvendit me përplasje me Gardën dhe dpeutetët socialistët. I pyetur si do vijojë aksioni, Bardhi përgjigjet: Si të na teket.

'Si të na teket. Do të veprojmë në raport me këtë godinë  me kryeministrinë dhe çdo godinë tjetër ku strehohet krimi dhe qëllohet ndaj atyre që luftojnë krimin. Ska patur asnjëherë marrëveshje me Edi Ramën. Kemi detyruar të na njoh të drejtat që ka opozita në kuadër të aksionit, u detyrua për shkak të aksionit. Dënimet janë shfuqizuar nga Gjykata. Nuk janë vendosur flakë Kuvendit. Karriget janë mjet pune, ka dhe detyrim ta dëmshpërblejë. Nuk është e Edi Ramës dhe as e Elisa Spiropalit.'

Në nisje të seancës së sotme, deputeti socialist Frrok Gjini i kërkoi kryeparlamentares Spiropali që të lejohet futja në sallë e deputetëve që nuk janë përjashtuar nga Sekretariati i Etikës. Deputetët e PD-së të përjashtuar u bënë barrikadë sot sepse tentuan moslejimin e deputetëve të PS-së të futen në sallë.

Gjini: Deputetë jo të dënuar është mirë tu krijohet mundësia të jenë prezentë në sallë. Të marrin pjesë në debat në Kuvend.

Spiropali: Duhet të jenë në Sallë. Ata që i pengojnë po bëjnë një akt të rëndë ndaj tyre dhe Gardës. Ata përballen me fyerje, janë vëllezër prindër bij të dikujt e nuk meritojnë të trajtohen në atë mënyrë.

Deputetët e PD-së i kanë vënë flakën 4 manekinave që i sollën përpara derës kryesore të parlamentit.

Ka qenë deputeti Noka ashtu si herën e shkuar, që i hodhi benzinë manekinave dhe u vuri flakën.

Opozitarët lëvizën nga vendi edhe simbolikën e tetorit rozë, për të vënë flakë manekinave.

Ashtu sikurse të hënën kur u dogjën karriget e deputetëve, tashmë deputetët e PD-së i vënë flakën 4 manekinave që kishin fytyrën e Geron Xhafajt, Fatmir Xhafajt, Olsi Ramës dhe kryeministrit Rama.

Janë disa të rinj të PD që në shenjë demonstrative kanë sjellë disa manekina që kanë si fytyrë imazhet të Geron Xhafajt, Olsi Ramës, kryeministrit Rama dhe Fatmir Xhafajt.

Për të sjellë simbolikën e protestës së tyre për arrestimin e Ervin Salianjit.

Manekinat janë vendosur në përpara derës kryesore të parlamentit.

E ndërsa deputetët e përjashtuar të PD-së vijojnë aksionin opozitar jashtë, brenda maxhoranca hapi seancën plenare dhe tashmë kanë filluar punimet.

Deputetët Enkelejd Alibeaj, Flutura Açka dhe Merita Bakiu kanë mbetur jashtë sot pa u futur në parlament për shkak të aksionit të deputetëve të tjerë opozitarë që po përleshen me gardën dhe deputetët e PS-së për të mos i lejuar të futen në sallë.

Nga pamjet duken Alibeaj, Bakiu dhe Açka që po qëndrojnë poshtë shkallëve të hyrjes së Parlamentit në pamundësi për tu afruar.

Garda rrethon makinën e Elisa Spiropali që sapo erdhi në Kuvend. Noka dhe Bardhi erdhën menjëherë u afruan tek makina duke bërë thirrje të mos hapet makina dhe të mos dali Spiropali.

Noka: Zonja 5 milion  euro.

Nuk është në makinë, thotë Noka teksa sheh nga brenda automjetit të kryeparlmentares.

Makina është bosh, ka hyrë nga dera e banjës. Nuk përfaqësojmë popullin.

Deputetët e Partisë Demokratike kanë bllokuar të gjitha hyrjet e Parlamentit sot (3 Tetor), për të penguar deputetët e PS-së të hyjnë në sallë.

Deputeti i PD-së Bledjon Nallbati, largoi me forcë një deputet të PS-së, i cili po tentonte të futej në sallën e Kuvendin nga pjesa e pasme, ku ndodhej edhe Garda e Republikës.

Nallbati dëgjohet që i thotë mes të tjerash "Hajdutë" apo dhe "Largohu".

Ndërkohë nga gazetarët që ndodheshin aty dhe sipas pamjeve filmike, gjatë përplasjes edhe me shefin e Gardës, deputeti Nallbati e ka djegur me cigare, teksa ai afrohej për të instruktuar vartësit në ruajtjen e rendit dhe sigurisë.

Teksa ai afrohet, ligjvënësi e shtyn dhe i thotë:

“Ik ore mos u afro! Na vini si burra të mirë. Ik largohu, ça do këtu?!”

Në këtë moment ai i përgjigjet se e kishte djegur me cigare. Por Nallbati vijon t’i kërkojë të largohet dhe i thekson se ia bëri mirë që e dogji.

“Mirë ta bëra që të dogja! Çfarë do këtu, ik andej...!”, i kthehet deputeti që ishte rreshtuar me kolegët e tij para gardistëve, për të penguar hyrjen e deputetëve socialistë në seancë paraditen e sotme.

Nallbati është përjashtuar me 2 muaj nga Kuvendi, për shkak të djegies së karrigeve seancën e 30 Shtatorit dhe bashkë me të edhe kolegë të tjerë të PD-së.

Deputetët e përjashtuar të PD, së bashku me kolegët e tyre, bllokuan hyrjet e parlamentit pasi garda i ndalonte të hyjnë ata pas vendimit të sekretariatit etik të Parlamentit. Përplasjet u përshkallëzuan deri në konfrontime fizike mes deputetëve të të dy kampeve politike.

Përplasje pati edhe pranë derës së Kuvendit midis deputetit të PD Flamur Noka dhe deputetëve socialistë Frrok Gjini dhe Paulin Sterkaj.

Pjesë nga debati:

Paulin Sterkaj: “Hape rrugën se nuk jemi mirë as nga ana shëndetësore. Nuk më ndalon ti të hyj në parlament.  

Flamur Noka: “ Po mua kush më ndalon

Paulin Sterkaj: Të ndalon ligji ke thyer rregullat. Ke djegur karriget. 

Flamur Noka: Harroje Paulin! Po provokon
Paulin Sterkaj: Unë nuk jam provokator. Nuk mund të rrij me ty. Ti të hysh brenda kur të vijë dita, por stë ka ardhur dita.
Flamur Noka: "Kam dy orë që pres! Po kërkohet të zhduket opozita. Futën në burg Salianjin!" 
Frrok Gjini: “Hapeni rrugën! Doni të na bëni të hyjmë apo si.
 Frrok Gjini: Kaseta ju erdhi të gjithëve ju në dorë. Salianjin e morët në qafë ju. Më vjen keq për Salianjin. E bëtë kokë pusi. Ju e keni fut në burg vet! Paulini po unë jo. 
Paulin Sterkaj: Del sikur unë jam i kompromentuar me Flamurin.
Flamur Noka: Ne jemi në një betejë jeta a vdekje. Tani ju e keni betejën e humbur."

Nga pjesa e pasme e Kuvendit disa deputetë të opozitës nuk kanë lejuar futjen në sallë të ministrit të jashtëm, Igli Hasani. Ndërkohë pati dhe një debat me deputetin Gazment Bardhi.

Bardhi: Largohu të lutem. Ne kemi ardhur me vota. Të ka emëruar krimi.

Hasani: Ul gishtin

Bardhi: Bashkë me ushtarin e Ergys Agasin, që është ministër i brendshëm. Sju vjen zor. Pinjoll i Enver Hoxhës.

Sakaq, u afrua ministri i brendshëm, Ervin Hoxha i cili arriti të futej së bashku me Hasanin, nga një hyrje tjetër.

Debate mes Flamur Nokës, Niko Peleshit dhe Igli Hasani tek shkallët e parlamenti sot.

Noka: Jam unë

Hasani: Ule gishtin

Noka: TI përfaqëson hajdutët

Hasani: Ul gishtin! Ti je  narko.

Noka: Jam zgjedhur me votën e popullit. Kur të marrësh votën.

Peleshi: Shiko provat çfarë ke bërë ditën e enjte.  O Flamur nuk di çfarë po thua. Po flet përçart. Nuk dogjëm as karrige.

Noka: Kam djegur karrigen time. Ke djegur paratë,. Ku i çuat paratë. Qani me lotin e krokodilit.

Flamur Noka përplaset me Niko Peleshin, kreun e grupit të PS-së.
“Ec! Ec' i tha Noka

"Keni tre kukulla në komisionin e rregullores e përjashtoni opozitën" tha Gazment Bardhi

Disa deputetë të PS-së kanë arritur të futen në sallën e parlamentit megjithë aksionin e deputetëve te opozitës për të mos lejuar futjen e tyre ne sallë.

Por më tej deputetët e PD-së, mes tyre dhe Flamur Noka është acaruar me ardhjen e gardistëve të tjerë nga pjesa prapa të cilët shoqëronin ministrin e Financave Petrit  Malaj për të hyrë brenda. Garditët kanë tentuar të hapin rrugën por janë ndaluar nga Flamur Noka e deputetë të tjerë. Madje në një moment ka pasur dhe përplasjen fizike të Flamur Nokës dhe Gardistëve. Deputeti i cili është përjashtuar me 60 ditë nga Kuvendi ka tentuar me cdo kusht të mos lejonte ministrin e Financave të hynte brenda. Në ndihmë të tij kanë qenë dhe deputetët e tjerë. 

Ndërkohë ata nuk lejuan futjen në sallë të ministrit të Financave Petrit Malaj.

Deputetët e PD-së janë vendosur në të gjitha hyrjet e parlamentit për të mos lejuar futjen deputetëve të PS-së.

Pas përjashtimit nga seancat plenare, opozitarët kanë shkuar 75 minuta më herët se të filloj seanca sot, teksa u gjendën përpara gardës që nuk lejoi futjen e tyre ne sallë.

Më pas ata janë vendosur në të gjitha pikat e hyrjeve në parlament për të mos lejuar futjen e deputetëve socialistë në sallë për zhvillimin e seancës.

Deputetet e PD-se të përjashtuar jashte kuvendit, Garda i ndalon hyrjen

Deputetët e PD-së të përjashtuar po përpiqen të hyjnë në kuvend përmes hyrjeve të tjera në kuvend por dyert janë të mbyllura.

Në një hyrje dera është e mbyllur me zinxhir e kyç.

Sot hyn në fuqi vendimi i sekretariatit të etikës që përjashton 24 deputetët e PD-së nga aktiviteti parlamanetar si masë ndëshkimore për djegien e karrigeve, kaosin dhe hedhjen e këmbës së karrigeve dhe sende të tjera drejt kryetares së Kuvendit dhe ministrave në seancën parlamentare të 30 shtatorit 2024. 

Forcat e gardës nuk kanë lejuar sot të futen në sallën e parlamentit deputetët e PD-së të cilët u përjashtuan nga Sekretariati i Etikës për sjelljen në seancën e fundit.

Nga pamjet e siguruara nga Report Tv, duket që deputetët Gazment Bardhi, Elda Hoti, Saimir Korreshi, Lindita Metaliaj, Dashnor Sula, Flamur Noka, Dhurata Çupi nuk lejohen të futen në sallë.

Nga pamjet dëgjohet zëri i Gazment Bardhit që i thotë gardistëve: Hape pak rrugën, çfarë ka ndodhur?!

Flamur Noka, Gazment Bardhi dhe Bledjon Nallbati u përjashtuan me 60 ditë për kaosin dhe djegien e karrigeve seancën e fundit. Edi Paloka u përjashtua me 10 ditë, ndërsa 20 deputetë të tjerë të PD-së me 40 ditë përjashtim.