Kuvendi zgjedh 3 anëtarët e rinj të
Autoritetit të Mbikqyrjes Financiare

TIRANE - Kuvendi i Shqipërisë ka miratuar sot tre kandidaturat e propozuara për anëtarëtë Autoritetit Mbikqyrjes Financiare.
 
Kështu gjatë votimit me elektronikë i fshehtë, me 122 vota pro Kuvendi ka miratuar Enkeleida Shehin në postin e drejtores ekzekutive e bordit të Autoritetin e Mbikqyrjes Financiare, ndërkohë që posti i nëndrejtores do të mbahet nga Mimoza Kaçi e cila u miratua me 75 vota pro. Ndërkaq, Arjan Salati është miratuar me 74 vota pro si anëtar i Autoritetit të Mbikqyrjes Financiare.
 
Votat e marra nga ana e tre anëtarëve të AMF-së:
Enkeleda Shehi – 122 vota pro, 2 kundër, 2 abstenim
Mimoza Kaçi – 75 vota pro, 42 kundër, 7 abstenim
Arjan Salati – 74 vota pro, 46 kundër, 4 abstenim
 
Në mbledhjen e dy ditëve më parë, Grupi Parlamentar i Partisë Socialiste vendosi të mbështesë kandidaturat e mësipërme.

Ishte vetë kryeministri Rama, i cili veç udhëzimeve që u ka dhënë deputetëve të majtë për mbështetjen e kandidaturave për Këshillin Mbikqyrës të Bankës së Shqipërisë njoftoi edhe për emërimet e reja që do të bëhen në Autoritetin e Mbikqyrjes Financiare.

Redaksia Online
(e.c/shqiptarja.com)