Report Tv siguron fotot e furgonit me të cilin u bë grabitja dje në aeroportin e Rinasit. Furgoni me mbishkrimin e rremë 'Drejtoria e Pergjithshme e Tatimeve' dhe 'Hetimi Tatimor' u fut në aeroport, prej aty dolën grabitësit ku morën rreth 10 milionë euro në barkun e avionit teksa paratë transportoheshin për në avionin me destinacion Vjenën.
Pasi morën thasët me para, me këtë furgon grabitësit dolën sërish nga aeroporti, ku në ndjekje nga policia, në një shkëmbim zjarri u vra Admir Muarataj, një prej grabitëse. Ka pasur përplasje të armatosur, ku në xhamin e përparmë të furgonit shihet edhe një plumb. Plumba ka edhe ne xhamat e pasmë.
Makina u gjet nga policia rreth 2 km larg aeroportit te Rinasit, ndersa nuk u arrit te digjet nga autoret. Bashkepunetoret e tjere u larguan me shpejtesi me thaset me para, pa mundur te djegin me benzine furgonin, brenda te cilit ka shume gjurme, por edhe armatime, granata, tritol. kallashnikove, dhe krehera me fisheke.
Furgoni ka te hapur deren e pasagjerit, aty ku dyshohet te kete qene Admir Murataj, personi qe dyshohet se ka qelluar me arme ndaj policise per te mbuluar 'shpatullat' e bashkepunetoreve te cilet munden te arratisen permes nje makine tjeter, e cila me tej u gjet e djegur ne zonen e Bathores.
Furgoni eshte me targe AA248 KE, e cila rezulton te jete e vjedhur nga makina e nje personi, me inicialet O.G.
Lajmi kryesor:
Grabitësi i vrarë nga policia i arratisur nga burgu grek! Vëllai: Do i gjej shokët që e hodhën Admirin në rrugë! (VIDEO)
