La Boheme mirëpritet nga publiku
në TKOB, do të rishfaqet sërish

Kjo opera vjen në skenë me një muzikë të këndshme, mallëngjyese dhe emocionale të luajtur nga orkestra e teatrit të operës dhe baletit nën dirigjimin e artistit italian Salvadore Percacciolo.

“La Boheme” është ngjitur në skenë sipas konceptit regjisorial të  Andrea de Manicor, që e përgatiti veprën dy vite më parë.

Me të të njëjtën skenografi, kjo opera vjen e pasuruar me zëra të rinj.
 
Historia e dashurisë së Mimit është interpretuar nga Eva Golemi ndërsa roli i Rodolfos u interpretua nga tenori Jenish Ysmanov.

Gjithashtu në këtë opera kanë interpretuar disa nga zërat më të mirë të operës shqiptare si Armand Likaj, Dorina Selimaj, Enkelejda Kamani e Sindrit Bejleri. 

Publiku do ta ndjekë këtë opera edhe në datat 27 e 28 nëntor. 

[gallery]19880[/gallery]

Redaksia Online
XH.K/Shqiptarja.com