Sot do të zhvillohet në stadiumin ‘Qemal Stafa’ finalja e Kupës së Shqipërisë mes ekipeve të Lacit dhe Bylist në orën 20:00. Kjo do të jetë edhe ndeshja e fundit për këtë edicionin në futbollin shqiptar.

Dy ekipet janë përgatitur maksimalisht për të triumfuar në një finale plot emocione dhe pritet të dhurojë shumë të papritura. Përgatitjeve po u jepet dora e fundit nga të dy ekipet, përsa i përket koreografisë dhe tifozerisë që do të mbushë shkallët e stadiumit. Kështu nga Laci pritet që të vijnë më shumë se një mijë tifozë për të ndjekur ekipin e tyre.

Presidenti Pashk Laska ka vendosur në dispozicion 7 autobusë për tifozët dhe afro 1 mijë bileta falas, ndërsa premio për ekipin në rast fitoreje shkon mbi 40 milionë lekë. Në prag të ndeshjes trajneri Nica shprehen të bindur për suksesin.