POP 5

Lajmet më të lexuara të 5 minutave të fundit

Sport

La Liga nis me skandal, Xavi lëshon akuza të forta pas barazimit me Getafe-n! Rrezikon dënimin

Sfida e parë në La Liga e Barcelonës ka krijuar shumë akuza dhe polemika, pasi katalanasit barazuan 0-0 në transfertë ndaj Gatafes. Një penallti është bërë shkak për ta quajtur nisjen e sezonit skandal, ndërsa trajneri Xavi rrezikon dënimin për akuzat e bëra.

Barcelona, kampionia e La Liga-s, e ka nisur me një barazim pa gola sezonin e ri dhe me shumë polemika. Katalanasit të cilët barazuan 0-0 në transfertën e Getafe-s mbetën me 10 lojtarë që në minutën e 42, pasi Raphinha u ndëshkua me të kuq, si pasojë e gjestit antisportiv ndaj kundërshtarit. Megjithatë në pjesën e dytë forcat u barazuan në fushë, pasi Mata për Getafe-n mori kartonin e dytë të verdhë.

Në vijim edhe Xavi do përjashtohej për shkak të protestave, por ajo që do shkaktonte polemikat më të mëdha ishte një penallti e padhënë në fund të sfidës. Araujo mori një goditje në zonë, por arbitri në VAR nuk e akordoi për një prekje të topit me dorë, që për katalanasit nuk ishte.

Kaq ka mjaftuar që gazeta katalanase Sport të quajë ‘skandal’ nisjen e La Liga-s, ndërsa Xavi rrezikon një përjashtim me disa ndeshje për fjalët e lëshuara pas barazimit 0-0. Trajneri katalanas u shpreh se ‘kjo ndeshje ishte për turp’.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    1 maji, a respektohen të drejtat e punëtorëve në Shqipëri?

Lajme të tjera



×

Lajmi i fundit

Balla: Masa ndëshkimore të ashpra për mjetet lundruese të pacertifikuara

Balla: Masa ndëshkimore të ashpra për mjetet lundruese të pacertifikuara

1 Maj, 21:31