La Repubblica: Spiunia ruse arriti të depërtonte në bazën e NATO-s në Napoli për 10 vjet

Një spiun ruse ishte gati të depërtonte në personelin e bazës së NATO-s në Napoli dhe në Flotën e 6-të të SHBA-së. Investigimi për rastin në fjalë është publikuar nga mediat italiane, është kryer nga gazeta Der Spiegel dhe La Repubblica.

Protagonistja e atij që cilësohet si “operacioni më i bujshëm i inteligjencës” i kryer nga Moska në Itali, është tridhjetë vjeçarja Maria Adela Kuhfeldt Rivera, e lindur në Peru nga një baba gjerman. Por ky është një indentiteti i rremë pasi emri i vërtetë i gruas që mundi të hyjë në qarqet shoqërore në më shumë se 10 vjet për të depërtuar në majën e Aleancës Atlantike, është Olga Kolobova, vajza e një oficeri rus.

Sipas La Republicca gjurma kryesore që e lidh me shërbimet sekrete të Moskës - është pasaporta ruse e përdorur për të hyrë në Itali: ajo i përket të njëjtës seri speciale të përdorur nga 007 e Gru, inteligjencë ushtarake nën urdhrat e Kremlinit".

Investigimi nuk ka arritur të rindërtojë se çfarë informacioni mori e infiltruara, por ajo ra në kontakt me figurat kryesore të NATO-s dhe të Marinës Amerikane. Asnjë agjent rus nuk kishte arritur të depërtonte kaq thellë në strukturat e Aleancës Atlantike.

30 vjeçarja, një grua kozmopolite dhe me vetëbesim, zotëron gjashtë gjuhë të huaja, u punësua në një kompani për prodhimin e bizhuterive, më pas hyri në rrethet shoqërore e Napolit dhe më në fund arriti të depërtonte në stafin e NATO-s, bazën dhe të Flotës VI të SHBA-së, në drejtimin operacional të aleancës në Evropë. “Një Mata Hari moderne, e cila u dallua për mënyrat e saj joshëse dhe la gjurmë zemrash të thyera përpara se të zhdukej në ajër”, shkruan gazeta.

Nuk dihet nëse e infiltruara ka hyrë fizikisht në bazën e NATO-s apo në komandën amerikane, por ka të dhëna të forta për praninë e saj gjatë disa ceremonive. Në vitin 2018, gruaja “u largua papritur nga Napoli me një fluturim për në Moskë, duke mos u rikthyer kurrë.

“Është e qartë se i gjithë ky rast ngre një çështje sigurie më të përgjithshme, përsa i përket mbrojtjes së sekreteve ushtarake të bazës së NATO-s në Napoli dhe të Flotës së Gjashtë amerikane”, theksojnë shumë analistë italianë.

Sipas La Repubblica, më në fund, burime në shërbimet sekrete italiane thonë se rreth një e treta e diplomatëve rusë në Itali (rreth 80 nga 240 që janë gjithësej) thuhet se janë anëtarë të tre shërbimeve sekrete të Moskës.

M.Q./KT/Shqiptarja.com

TAG:
• rusia sulmon ukrainen
• napoli
• itali
• nato
• Rusi