TIRANË- Kreu i Bashkisë së Tiranës, Erion Veliaj dhe ministri i Rindërtimit, Arben Ahmetaj, u dorëzuan sot kontratat e firmosura pesë familjeve, pjesë e grupit të parë me 200 familje që firmosën të parat kontratën e porosisë, pas miratimit nga Këshilli Bashkiak i Tiranës.
“Do të vazhdojmë bashkë me shërbimin noterial, të firmosim të gjitha kontratat në bashki, e më pas të transferohemi në Kombinat, ku të gjithë banorët do të nënshkruajnë kontratën e porosisë”, u shpreh Veliaj. Ai shtoi se vendimi për të shembur pallatet e vjetra, të dëmtuara nga tërmetet, ishte vendimi më i vështirë, edhe për shkak të nostalgjisë, por theksoi se duhej bërë për të mirën e banorëve.
“Është kollaj të bësh politikë me frikërat që kanë njerëzit, është kollaj t’i përçash në ditën e tyre të fatkeqësisë, është shumë kollaj ta mbjellësh helmin e ndasisë e, për çështje të fushatës, të injektosh prikë tek njerëzit. Por, është shumë e vështirë të thuash të vërtetën, është shumë më vështirë të marrësh këto vendime, që nuk janë të lehta. Kur të shkruhet historia e këtij qyteti, do ketë një vend edhe për të diskutuar çështjen e tërmetit; kush hapi panik e shtoi vilat dhe nuk dha asnjë ndihmë, dhe kush u mundua që duke besuar te shkenca, tek inxhinierët, te testet laboratorike dhe arkitektët, të bëjë mirë”, sqaroi Veliaj.
Apartamentet që do të marrin banorët do të vlejnë më shumë, me hapësira më të mëdha se ato që kanë pasur. Veliaj shprehu bindjen se dy lagjet e reja që do të ndërtohen, “5 Maji” dhe “KombinArt”, do të rrisin vlerën e pronës, ashtu siç ka ndodhur në zona të tjera të qytetit, të cilat janë transformuar rrënjësisht. Ai sqaroi mënyrën se si do të vijojë procesi i pajisjes me kontratat e apartamenteve për të 200 familjet, ndërsa theksoi se ky është një projekt social dhe nuk është për ata që kanë nga 4 apo 5 shtëpi.
“Shtëpia i jepet dikujt që s’ka shtëpi. Nëse dikush ka 4 ose 5 shtëpi dhe ajo që iu dëmtua nga tërmeti ishte thjesht një prej tyre, ky projekt social nuk është për ta. Ky projekt social është për ata që realisht kanë nevojë për strehim. Ne do të vazhdojmë të paguajmë bonusin e qirasë deri ditën kur kjo kontratë-porosie do të përkthehet në hipotekë dhe derisa të marrin çelësat e shtëpisë së re”, vijoi Veliaj.
Kryetari i Bashkisë së Tiranës, Erion Veliaj tha se apartamentet do të jenë në pronësi të banorëve dhe jo të shtetit, si dhe sqaroi se te vendi i pallateve të vjetra do të bëhen parqe lojërash apo terrene sportive në shërbim të komunitetit.
“Shtëpitë do të jenë në pronë të qytetarëve, të kryefamiljarëve, e fëmijëve apo familjarëve të tyre, i asaj familje përjetë. Jo të shtetit, jo me detyrim kthimi dhe me asnjë detyrim tjetër që të lidh me shtetin. Në momentin që shtëpia bëhet e jotja, mund të bësh me të dhe ta trajtosh si çdo shtëpi, apo si çdo pronë tjetër në qytetin tonë. Legjenda tjetër urbane është se do ndërtohen pallate në vendin e pallateve të vjetra, por kjo është tërësisht e pavërtetë. Prona do mbetet publike, do t’i kthejmë në terrene sportive dhe në parqe”, u shpreh Veliaj.
Ndërsa, ministri i Rindërtimit Arben Ahmetaj, tha se shtëpitë do të jenë më të mira, më të forta, më të bukura.
“Nesër kur t’ju pyesin ku jetoni, unë jam i bindur se të gjithë ju do thoni ne jetojmë në njërën nga 4 qendrat e Tiranës. Me ndërtimin e “5 Majit”, me ndërtimin e Kombinatit, nuk do ketë më vetëm një qendër “Sheshi Skënderbej”, do ketë disa qendra. Do jetë qendra e “5 Majit” fantastike. Gjithë zona do lidhet me Bulevardin kryesor, 400 metra nga bulevardi kryesor. Do të jetë shkolla, do jetë qendra IT, godina e Tatimeve, Doganave, apo godina të tjera publike”, përfundoi Ahmetaj
Komente
Lajme të tjera
-
Zbardhet vrasja e Eduart Reçit! Hetimet: Polici i komisariatit nr 2 në Tiranë ekzekutoi ndërtuesin, arrestohet dhe i vëllai! Motivi? Konflikte pronësie
24 Nëntor, 15:07
-
'Ata ishin 2 autorë!' Policia do të rimarrë në pyetje babain e shokut të Martinit: Djali tjetër ka pasur thikë më të vogël
24 Nëntor, 12:44 -
Vrasja e 14 vjeçarit, Flutura Açka: U harrua thelbi i familjes po endet drejt spektaklit! Urgjente hapja e shkollës së riedukimit
24 Nëntor, 12:22 -
Vrasja e Martinit, nesër Burgjet vendosin ku do transferohet 14 vjeçari i arrestuar
24 Nëntor, 10:58
-
Tiranë/ Organizonin baste dhe lojëra fati, vihen në pranga 6 persona
24 Nëntor, 09:55 -
'Ishin 2 autorë!' Vrasja e Martinit, flet babai i 14-vjeçarit të plagosur: Prindi i fëmijës bën mirë ta dorëzojë vetë! Djali im në intubim, ka 5 plagë në trup
24 Nëntor, 09:20 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43
Aje qu thuhet neper rreshta eshte se shteti ka te drejten te shpronesoi pronarin diku larg dhe ske cti besh.
PërgjigjuLegjenda tjetër urbane është se do ndërtohen pallate në vendin e pallateve të vjetra, por kjo është tërësisht e pavërtetë. Prona do mbetet publike, do t’i kthejmë në terrene sportive dhe në parqe”, u shpreh Veliaj. Prona eshte e personave qe humben shtepite dhe nuk mund tia marri bashkia sepse po u jep shtepi te ndertura me para borxh. Ate borxh e pagun po jy popull dhe jo Lali nga xhepi personal.
Përgjigju