Lajçak pas takimit me Kurtin: Po përpiqemi të kthehemi te gjendja paraprake dhe të heqim masat

Miroslav Lajçak, emisar i Bashkimit Evropian për dialogun Kosovë Serbi ka treguar se takimi me Albin Kurtin ishte i gjatë, i hapur dhe i sinqertë por të dy paraqitën pikëpamjen për shtensionimin e situatës. 

“Nuk është detyrë e lehtë, as situatë e lehtë. Kam pasur takime të rëndësishme me presidenten Osmani e kryeministrin Kurti. Diskutim të gjatë e sinqertë. Shumë të rëndësishëm. Duhet të zgjedh fjalët, ka mirëkuptim në nevojën për të ecur para në tri pikat që janë paraqitur nga BE-ja: shtensionim, zgjedhje të reja, dhe kthim në normalizim”, ka deklaruar ai.

LEXO EDHE:
BE: Në Kosovë mbështesim një strukturë të vetme institucionale sipas kornizës së saj ligjore

Sipas Lajçak, BE-ja nuk është e gëzuar për këtë pozicion të Kosovës që të vendosin masa.

“Ne nuk jemi fare të gëzuar që vihemi në këtë pozitë për të vendosur këto masa. Qëllimi i bisedës ishte që të arrojmë te pika që të hiqen masat dhe të arrijmë te pika paraprake”.

“Ne do të vazhdojmë diskutimet tona për hapat konkretë që do të na çojnë atje. Ai [Kurti] paraqiti pikëpamjen e tij, ndërsa unë prezantova idetë e mia dhe kjo është arsyeja se pse zgjati takimi. Por, ishte i rëndësishëm për të na ndihmuar që t’i kuptojmë qëndrimet e njëri-tjetrit më mirë dhe u pajtuam që procesi duhet të vazhdojë”, ka thënë Lajçak.

Lajmi kryesor:

Lajçak në Kosovë, takon Osmanin dhe Kurtin: Po përpiqemi të heqim masat! BE ka gati sanksionet edhe për Serbinë, vendimin e marrin vendet anëtare

A.M./Shqiptarja.com

TAG:
• tensionet ne veri te Kosoves
• Miroslav Lajcak
• kosove