POP 5

Lajmet më të lexuara të 5 minutave të fundit

Ekonomi

Lajm i mirë, ekonomia do rimëkëmbet me 5.5%! Ndikim pozitiv konsumi, investimet e shërbimet

Pas një rënie të pritshme ekonomike të vitit 2020 tashmë në nivelin e 4.4%, viti aktual pritet të rimëkëmbet me 5.5%. ndikim në këtë rritje sipas Ministrisë së Financave do të ketë konsumi dhe investimet. Ndërsa nga sektorët shërbimet do të kenë rritjen më të madhe.

Një lajm i mirë vjen për ekonominë shqiptare. Këtë vit, sipas një raporti të Ministrisë së Financave, ajo pritet të rimëkëmbet me 5.5%, pas një rënie në vitin që lamë pas si pasojë e pandemisë me 4.4%.  Ndikim pozitiv sipas raportit të Kuadrit Makroekonomik dhe Fiskal 2022-2024, thuhet se do të ketë konsumi dhe investimet

“Gjatë periudhës afatmesme rritja pritet të gjenerohet kryesisht nga kërkesa e brendshme, si konsumi ashtu edhe investimet. Ndërkohë, kërkesa e huaj neto (eksport–import) pritet të ketë një efekt pothuajse neutral”, thuhet në dokument.

Konsumi që në vitin 2020 ra më shumë se 3.4%, për 2021  do të ketë rol të rëndësishëm në rikuperimin e ekonomisë pasi pritet të rritet me 3% dhe do të nxitet nga besimi ikonsumatorit, si dhe nga përmirësimet në tregun e punës.

Nga ana tjetër gjenerimi i vendeve të reja të punës dhe stabilizimi i tregut pritet të sjellë edhe rritje të pagave për qytetarët, dhe të ndikuar nga ky fakt ata do të rrisin edhe konsumin.

Kurse sa i takon investimeve ato do të ndikohen nga shfrytëzimi më i madh i kapaciteteve ekzistuese të prodhimit. Njëkohësisht edhe përmirësimi i kushteve financiare, lehtësimi i standardeve të huadhënies priten të jenë një faktor i rëndësishëm nxitës për investimeve private në afatin e mesëm.

Përsa i takon sektorëve ndikimin më të madh pozitiv do të ketë turizmi i cili vitin e kaluar ka pasur rënien më të fortë, si pasojë e masave kufizuese të ndërmarra për të frenuar përhapjen e pandemisë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57