POP 5

Lajmet më të lexuara të 5 minutave të fundit

Kosova & Rajoni

Kryeministri i Kosovës Albin Kurti heq taksën 100% ndaj eksporteve të Serbisë (VIDEO)

Kryeministri Albin Kurti ka njoftuar gjatë konferencës për shtyp që është ende duke u zhvilluar se do heq taksën 100% ndaj eksporteve serbe në Kosovë

Kryeministri i Kosovës Albin Kurti gjatë një konference për shtyp tha se ka vendosur ta heqë tarifën 100% për mallrat që importohen nga Serbia dhe Bosnia e Hercegovina duke filluar nga data 15 mars dhe shtoi se kjo është shenjë e gatishmërisë për marrëveshjen ekonomike tregtare me Serbinë dhe ftoi Beogradin zyrtar të zotohet që të ndërpresë fushatën për tërheqjen e njohjeve të pavarësisë së Kosovës.

Kurti tha gjithashtu se nëse Serbia nuk vazhdon fushatën armiqësore, atëherë nga data 1 prill tarifa do të hiqet tërësisht për një periudhë 90 ditëshe.

Kryeministri i Kosovës kushtëzoi edhe Bashkimin Europian dhe Shtetet e Bashkuara të Amerikës teksa tha se paskësaj BE duhet të liberalizojë vizat për shtetasit e Kosovës dhe kërcënoi duke thënë që  “Në rast se Serbia nuk e përfillë vullnetin e Qeverisë së Kosovës për eliminim e barrierave ekonomike, atëherë Qeveria nga data 1 prill do të nisë me implementimin e reciprocitetit, fillimisht në fushën e tregtisë e më pas në fushën ekonomike e politike”, duke shtuar se “nëse Serbia nuk reflekton, tarifa do të rikthehet përsëri”.

Më herët Sekretari amerikan i Shtetit, Mike Pompeo ka përsëritur kërkesën për heqjen e taksës 100% ndaj mallrave serbe dhe pret që kjo të mos vonohet.

Zëdhënësja e Departamentit të Shtetit Morgan Ortagus, tha përmes një komunikate se sekretari Pompeo gjatë takimit në Uashington me presidentin e Kosovës, Hashim Thaçi, ripohoi partneritetin e fortë mes Shteteve të Bashkuara dhe Kosovës dhe ritheksoi mbështetjen për Gjykatën Speciale, puna e të cilës është jetike për të vënë drejtësi për viktimat dhe për të forcuar shtetin ligjor.

Sipas mediave në Kosovë, nga ana tjetër, i dërguari special i Presidentit Trump, Richard Grenell ka thënë se “nuk do presë pafundësisht Qeverinë e Kosovës dhe Albin Kurtin për të hequr tarifën 100% ndaj mallrave serbe” dhe “nëse tarifa nuk hiqet deri në fund të kësaj jave, atëherë gjërat mund të përshkallëzohen deri sa ta konsideronin Kurtin si joserioz për partner të Washingtonit.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nona: 27/02/2020 21:48

    Po shyqyr o bir, se me ate takse 100% u bete nder kontrabandisteve dhe late nam ne bote. Politike inatqore.

    Përgjigju
  • Arber: 27/02/2020 21:08

    O Albin leri brockullat jo do ta rikthesh perseri taksen jo pordhi kali ne deren e reciprocitetit. Akoma se ke kuptuar o kaqol se USA te avullon brenda 24 oreve sic avulloi koketrungun Ramush. I dhjerre por krenar sikur te ben me qesharak.

    Përgjigju
  • Emi: 27/02/2020 19:24

    Edhe me te vra edhe mos mete njofte se kush je. Koj sashte dreci presoni i SHBA nuk ashte nermale

    Përgjigju
    • Duda: 27/02/2020 20:41

      Kjo eshte politika e SHBA dhe Europes, eshte e veshtire qe ta perballojm presionin qe ato bejne por edhe vetem nuk rezistohet

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15