POP 5

Lajmet më të lexuara të 5 minutave të fundit

Opinion

Andoni: Lajmi s’është 'Meta', por depolitizmi i KQZ dhe vota e emigrantëve

Nëse propozimet e dikurshme do të marrin jetë, atëherë do të ketë depolitizim të strukturës që do merret me zgjedhjet dhe e gjithë administrata e zgjedhjeve do të përgjysmohet.

Andoni: Lajmi s’është 'Meta', por depolitizmi i KQZ dhe vota e emigrantëve

Në një fjalë të gjatë, por që i shkonte seriozitetit të rastit, si edhe arsyetimit se ku vajti marrëdhënia e grupimit socialist me presidentin e vendit, kryeministri Rama ka rreshtuar disa argumente, që e legjitimojnë largimin e tij. Kuptohet të gjithave u ka veshur edhe metaforat e nevojshme të retorikës së tij për të zbritur retorikën e ditëve të fundit të presidentit Ilir Meta. Megjithatë, në mes të rreshtave, gjëja më e këndshme dhe që u kumtua si premtim i kryeministrit ishte depolitizimi i Komisionit Qendror të Zgjedhjeve dhe mbi të gjitha: votës së emigrantëve dhe të gjithë shqiptarëve që jetojnë jashtë vendit. Këto të dyja janë risitë, që deri tani janë përmendur shpesh, por tashmë konfirmonin edhe ato që PS-ja ka artikuluar kohë më parë. Kuptohet se sistemi nuk preket sepse të dyja partitë e mëdha e shikojnë si më të arsyeshmin në kushtet e vendit, por duke besuar fjalën e Ramës, do të ndërhyhet realisht në çështjet kryesore të administratës së fushatës elektorale dhe zhvillimit të zgjedhjeve.

Realisht është një nga lajmet e mira, që e shtyn tej, komisionin për shkarkimin e Metës pasi vota e emigrantëve mund të jetë realisht ndikuese për zgjedhjet tona, pasi është e pamundur të ndikohet nga politika dhe t’i bëhet presion nga Shqipëria. Largësia, por më shumë vizioni i tyre, prej jetesës në vendet e huaja i bën dhe më racional në gjykime. Nga ana tjetër, kjo mund të hapë mundësinë, që nëse partitë në të ardhmen do të ulin pragun e hyrjes në parlament, atëherë grupime të reja politike të thyejnë monopolin e madh të dy partive kryesore. Dhe, ky mund të quhet realisht lajm i mirë.

Por, nuk mbaron këtu. Nëse propozimet e dikurshme do të marrin jetë, atëherë do të ketë depolitizim të strukturës që do merret me zgjedhjet dhe e gjithë administrata e zgjedhjeve do të përgjysmohet. Të shpresojmë se ky vullnet do të shkojë deri në fund, ndërsa në krizat e tyre të zakonshme, politikanët të mos e harrojnë premtimin. Bindja e Ramës është se këtij procesi mund t’iu shkohet deri në fund dhe tashmë mbetet nëse sfida e tij do të jetë substanciale apo thjesht për demagogji.

Ndaj, në atë që u tha dje në seancën për ngritjen e Komisionit Hetimor Parlamentar ndaj presidentit Meta, lajmi ishte ngritja e procesit për shkarkimin e tij, por premtimi me diksion bindës se do të depolitizohet Komisionin Zgjedhor dhe të gjithë strukturat e tij. Këtë kanë pritur me kohë shqiptarët, por edhe e gjithë bota e civilizuar, kur flitet për zgjedhjet tona, që janë aq të përfolura, të nëpërkëmbura dhe pa klas e mbi të gjitha gjithmonë të kritikuara nga OSBE/ODHIR. (Javanews)

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Për të shpëtuar nga SPAK, Këlliçi distancohet nga gruaja: Nuk bashkëjetoj me Anën

Për të shpëtuar nga SPAK, Këlliçi distancohet nga gruaja: Nuk bashkëjetoj me Anën

26 Dhjetor, 16:15