Lame: Programi i PD për pronat gënjeshtër! Marrëzi t'u thuash ish pronarëve se do ketë kthim fizik të tokave! Vetë ekspertja e Bashës ishte kundër

Kreu i Kadastrës Artan Lame u pyet gjatë një konference me gazetarët ditën e sotme edhe për një ndërtim që po kryhet në bazën Ushtarake të Shëngjinit. Lame tha se ky është një shembull tipik i plaçkitjes së pronës shtetërore.

‘Kam informacion po aq sa ke dhe ti. E kam lexuar në internet, është shembulli tipik i plaçkitjes së pronës shtetërore. Ka qenë e regjistruar baza në Kadastër, aty ka kthim prone, ka një vendim të kthimit të pronës, vendime i çmendur gjykatë. Prona nuk ka qenë e regjistruar në Kadastër. Ka dalë më vete për tu regjistruar, por kurrë nuk është regjistruar për ti dhënë mundësi për të bërë këto numra dhe këto plaçkitje të pronës private.’- tha Lame.

Artan Lame i është përgjigjur edhe akuzave të PD se qeveria po u fal tokat në bregdet oligarkëve duke thënë se në këto 30 vite janë dhënë lloj-lloj vendimesh nga gjyqtarë që preken nga vettingu dhe me vendim të kthimit të pronave, herë të drejta dhe herë abuzive, sa nuk kanë lënë më asnjë cm tokë në bregdet të shtetit, përveç një pjese në Karavasta dhe një pjese në gadishullin e Karaburunit.

"Unë kam qenë pjesë e një vendimi qeverie dikur që më pas u anatemua se do të vidhte tokat në bregdet dhe do ia jepte oligarkëve. Ai vendim qeveria që thoshte se të bllokojmë të gjitha tokat shtetërore në bregdet të mos vazhdojë plaçkitja e tyre përmes gjyqtarëve që i jepnin këto toka në mënyrë abuzive pasi e dinin se do të rrëzoheshin nga vettingu. Ka pasur shumë vendime të tilla të çmenduar. Megjithatë kadastra e trashëguar nuk kishte regjistruar prona në bregdet dhe ajo figuronte shumica si pronë shtetërore në letra, por kur u shkua në terren ajo ishte e tëra e ndarë. Tokë shtetërore në bregdet ka jashtëzakonisht  pak  afër  zeros,  pasi janë ndarë me vendim të kthimit të pronave, herë me të drejtë dhe herë abuzive. Në bregdet ka mbetur vetëm një pjesë e Karavastasë dhe një pjesë e gadishullit të Karaburunit. Nuk ka toke shtetërore në bregdet, nuk ka mbetur më, nuk ka lënë Laro të hajë Balo, është ndarë e gjitha", tha Lame.

Kreu i Kadastrës Artan Lame gjatë një bashkëbisedimi me gazetarët, u pyet nga gazetarja e Report Tv Eliza Gjediku në lidhje me procesin e legalizimit.

Kreu i Kadastrës tha se janë rreth 94 mijë banesë ta pa legalizuara, të cilat sipas Lamës kanë pamundësi në procesin e legalizimit për disa arsye.

Gjediku: Ju e quani betejë të fituar procesin e legalizimeve, por ka ende familje që zvarriten për këtë proces, keni ndonjë të dhënë sa është numri i ndërtimeve pa leje në proces legalizimi?

Lame: Ka një shifër të përafërt të llogaritur nga ne që është me përafërsi që është rreth 94 mijë familje që kanë probleme me pamundësinë për tu legalizuar që përfshihen tek procesi tjetër i rimarrjes së vleftës së legalizimit. Sa herë është hapur procesi një pjesë kanë bërë riaplikim mund të ketë mijëra familje që kanë bërë dy herë aplikimin mund të ketë që kanë aplikuar edhe tre herë. Një pjesë e tyre nuk mund të legalizohen. Nuk mund të legalizojmë objekte në zona muzeale. A mund të legalizojmë brenda në Butrint, në Karavasta, në zona të mbërritura në Korçë. Në bashkëpunim me Ministrinë e Energjitikës po bëjmë një përpjekje që të heqim linjat elektrike në zonat e banuara dhe të kthehet në kabllore. Këtë proces jemi duke e përmbyllur për të nxjerrë nga bllokimi i legalizimit të gjithë objektet që i përfshin linja e tensionit të lartë. Të gjitha këto me një program që po bën Ministria e Energjisë kalojnë në linja nëntokësore, dhe një pjesë e këtyre ikin nga problemi i moslegalizimit të këtyre banesave. Nuk mund të legalizohen banesat në zona kulluese, ku kërkohet hapja e rrjetit të kanaleve primare. Kjo është një balancë midis hallit të një qytetarit dhe hallit të 100 qytetarëve që preken nga lagalizimi i tij indirekt.

Artan Lame ka folur për 4 sfidat kryesore të Kadastrës, ku shprehet se regjistrimi i tokës bujqësore, përmirësimi i shërbimeve online dhe regjistrimi i pasurive janë tre sfidat që prekin drejtpërdrejtë qytetarët dhe ky vit është kyç për dhënien e rezultateve. Lame foli gjithashtu edhe për regjistrimin e tokave shtetërore duke thënë se është turp që në mbi 20 vite janë regjistruar vetëm 4 % të tyre. Kjo sipas Lames është bërë qëllimisht që të mund të vidhet dhe toka shtetërore të kafshohej nga lloj-lloj kuçedrash.

 "4 sfidat që ka Kadastra

1-Regjistrimi i tokës në fshat. Gjatë 2020 u dhanë 18700 certifikata toke në fshat

2- Përmirësimin e shërbimin online

3-Procesi i regjistrimit te pasurive

4-Regjistrimi i pronës shtet. është turp të themi se në Kadastër janë të regjistrua vetëm 4 % prona shtetërore.  Pikërisht mos regjistrimi pronë shtetërore si shkolla, çerdhe, parqe dhe kjo ka lejuar abuzimin dhe kafshimin nga çdo lloj dragonjsh e kuçedrash që e kanë kafshuar në këto 20 e ca vjet. Kjo është lënë qëllimisht që të vidhe dhe kafshoje pa rënë në sy", tha Lame.